*+(سورة مريم )+* غلاف لكاسيت سيكتسح الساحه

[الطموح]

السلام عليكم ورحمه الله وبركاته

كيف حالكم شباب

وأخيرا أعود لكم بالجديد مع غلاف لتلاوة من سور " مريم ونوح والروم "

للشيخ الفاضل " ماجد العنزي "

والقراءة رائعه جدا جدا " حرة ماعندكم السي دي الي عندي :p "

وان شاء الله هاليومين راح يدخل الغلاف المطبعه

فيالييت الي عنده اي ملاحظة يبديها لنا علشان يطلع الغلاف بأبهى صورة بإذن الله ;)

" ملاحظة : الغلاف شوي مو واضح لأني صغرت الدقه إلى الثلث حتى تظهر بالمنتدى "

http://www.r4ever.com/final3_show.jpg

[فجر الإسلام]

السلام عليكم ورحمة الله وبركاته ..
الصراحة شغل ok


راااااااااااااااااائع جدا وماعليه اي كلام :):)


وبارك الله فيك

وإن شاء الله يوصلنا عشان نسمعه :):)




أختكم في الله
فجر الإسلام

[blood shad]

يه يه يه

اشهالشغل اليديد علينا
إلا صرت تصمم اغلفه بعد :D عاش الطموح...

والله حلو التصميم
تسلم هالايدات :D
بس ماتغيرت الوانك..


اخوك..

[محبة]

الصراااحه وااااايد حلو :):):)

[aVoCaDo]

بسم الله الرحمن الرحيم

يسعدني رؤية الطاقات الشبابية تتوجه الى مثل هذه الأمور
.. جيد
سؤال : هل الأبعاد صحيحة ؟

هناك عدة أمور يجب الأخذ بها لدى الطباعة
و كما أعتقد بأنك تعرفها ...

عموما سأكتبها على أيه حال :
1- يجب مراعاة الحواشي بين الثلاث صور و هي تقريبا 1 سم كما أعتقد لكنني سآتي بالرقم الدقيق اذا وجدته .. و يحب مراعاة الأبعاد أيضا

2- يجب أن تكون دقة التصميم 300 dpi و هذا مهم جدا

3- هو بالأحرى سؤال .. هل كانت الأوان RGB أو CYMK ? لأن بعض المطابع تفضل أن تكون على هيئة CYMK


أختكم في الحل و الترحال ;
aVoCaDo

[Asem Designer]

ماشاء الله رووووعة بكل صراحة

بس ملاحظة

الخط لو يتغير يطلع احلى في نظري :cool:


تحياتي لك :)

[MisS_ShockeD]

ماشاءالله تبارك الرحمن
التصميم حلو
بس رايي من راي Asem Designer
لو تغير الخط يمكن يكون أحسن

[الطموح]

اختي فجر الإسلام

جزاج الله خير على الإطراء

وإن شاء الله ربنا يسهل ويوصلكم الشريط باسرع مده

مشرفنا ظل الدم

افا عليك بس

يعني بس انت تسوي مقابلات من ورانا ;)

وبالنسبة للألوان فهذا شي أكيد

أنا متمسك بألوان الطموح والتفاؤل حتى لو زفتّ بالفيزيا لا سمح الله :p

اختي محبه

تسلمين وهذا من ذوقج الطيب

اختي الفاضلة افوكادو

يزاج الله خير على كلامج الطيب....وان شاء الله تشوفون منا كل شي طيب

وبالنسبة للأبعاد فأنا متأكد منها " إن شاء الله " حيث اعتمدت على المسطرة إضافه إلى هذا الدرس الظريف

http://www.khayma.com/dakah5/t4/t4.htm

لكن مشكلتي كانت مع الدقه

حيث عيزت ولا لقيت dpi بالفوتوشوب :confused:

في مقياسين هما
inch/pixel
cm/pixel
اول شي اخترت السنتيمتر طلع كبير وايد وبعدين اخترت الانش طلع حجمه معقول

اما نظام الالوان فانا عارف انه لازم كون cmyk لكنه نظام متعب جدا

" ألوانه قليله وتخرب التصميم " ولما سالنا مدير المطبعه قال انتوا عطوني السي دي بالنظام الي يريحكم وباي حجم وانا اضبط كل شي

" فسويت نفسي ما اعرف واشتغلت على الـ RGB :D "

والله يستر شلون راح يطلع بعد الطباعه :rolleyes:

اخوي المصمم عاصم

يزاك الله الف خير على مرورك من هنا

وبالنسبة للخط فانا أستخدمت بالنصوص العاديه خط البتار " المفضل عندي دائما "

إضافه إلى خط القيروان مع السور " إضافه إلى تزيينها بحركات من عندي " يعني طالع فيها :p

فانا محتار شحط بدالهم .لاني محتاج شي يكون رسمي إسلامي :rolleyes:

اختي " آنسه صدمه "

جزاج الله الف خير على مرورج

وإن شاء الله احاول عسى يطلع معاي شي

[Asem Designer]

أخي انصحك بالكلك <<< اذا عندك

او خط الخطاط اللي جمب البيت :D


لو تعيطنا الخطوط اللي تكلمت عنها اعلاه اكون لك شاكر :)

محبك

[الطموح]

ياحيا الله اخوي عاصم

تقول في برنامج اسمه الكلك

غريبة ماسمعت فيه :rolleyes:

تقدر تشتري لي النسخه الأصليه و تهديني اياها علشان اشوف شلون صاير " معاك نصاب درجه اولى :D "

عموما اذا تعرف خطاط رخيص وكويس يبغى خبرنا

ولا كلش كلش بكتب بالشفرة الرية مالتي

الي بايع عمره خل يحاول يقرا شنو كاتب بخط ايدي :p

وبالنسبة للخطوط الي ذككرتها تقدر تحصلها من هالموقع الاكثر من رائع

http://www.motken.com/download/pafiledb.php?action=category&id=1

[Asem Designer]

ماتعرف الكلك :confused:

بعدين
وديه لخطاط
بنص دينار كلمه على ورقه

حسن علاقاتك معاهم ;)

تحيات اخوك :)

[الطموح]

وانت صدقت يا اخويه

في مصمم مايعرف الكلك ابو الدنقل :mad:

خلها على الله بس

وان شاء الله احصل خطاط يبتلش فيني علشان احسن علاقتي معاه ;)

[D.M.P]

شغل طيب :)

بس ما أدري

يطلع منك أكثر :cool:


واذا بالنسبة للكلك

انا اقدر ادلك على واحد

[*فتاة الأقصى*]

إبداع

[aVoCaDo]

dpi = dot per inch :D

[احمد]

اخي الحبيب الطموح :)
ما شالله قمنا نصمم اشرطه :)
تصميم جيد لكن الالوان فيها شويه كلام :):)
يعني الوردي مو ماشي مع الخلفيه والشيسمونه
اما شغله المطابع اتمنى انك تقرا كلامي جيدا وتتمعن فيه :)

---
اولا للاحجام التي هي A4
واقل كالاشرطه وغيرها يجب ان تكون الدقه
300 بكسل لكل انش
و عموما عليك أن تلاحظ أن حجم الملف فاضي و الذي يظهر في الصندةق الحواري new لا يقل عن 22 ميجا
أما مسألة ال70 ppi فغير مقبولة في الأحجام الصغيرة
يعني A4 فيما تحت لايقل عن 300 ppi
--
ثانيا :
بالنسبة للألوان قم بعملك ضمن نظام RGB
مع تفحصه بواسطة Proof colors
ويتم تحويله إلى CMYK بعد الانتهاء
ويتم التفحص كالتالي
من الفوتوشوب
_ من View إختر Proof Setup ستظهر لك قائمة اخرى تأكد من وجود إشارة بجانب Working CMYK
يمكنك أن تجرب بشكل سريع التبديل بين النظامين باستخدام CTR+y من لوحة المفاتيح أو View ثم Proof Color
----
وفقك الله ورعاك واسف ان كانت النصيحه متأخره :)
واخيرا غير الخطوط والالوان واظن انك عملت العمل مكعوس
لانه يجب ان يكون كعب التصميم لليسار وليس لليمين :)
انظر هذا المثال :)


http://www.a7mad.net/rrr.jpg
تحياتي :) اخوك احمد

[Erhabe]

انت بديت وانت تتحمل ...

راح أفصل التصميم قطعة قطعة ...

أول شي ... الدقة لا زم تكون 300 dpi وتحصل الدقة لما تفتح ملف يديد

تكتب أبعاده والدقة

طبعا الدقة راح تكون 300 inch/pixel ... :) ... والألوان cymk علشان إذا سويت التصميم rgb راح يطلع بعد الطباعة باهت وراح تتحسف ...

ثاني شي ... الصورة -من وجهة بصري- ما تنفع أول ما شفتها عبالي كنيسة ... :D

لو يكون مسجد أحسن وااااااااااااااااااااااااااايد ... :)

ثالث شي ... الخط الكوفي ... قديييييييييم ... وصاير شكله مو حلو ... والكوفي ينكتب فيه العناوين بس ... ما ينفع تكتب فيه كلام وايد ... وأنا أصلا ما أواطن الكوفي :D

رابع شي ... اللون الوردي حددددددددددده داش غلط على التصميم :D ... والتشكيل اللي حاطه على العبارات مو راكب صاير حوسة ...

خامس شي ... غلاف الشريط جنه دعاية حق مو قعك ... :p ... حط توقيع صغير في التصميم اكتب فيه إيميلك أو رقم نقالك ... بس مو جذي ... :D

مقترحات ...
1- تستخدم الخطوط الإعلانية للكتابة العادية ... وخط ثاني لكتابة العناوين ... :)
2- تغيير الصورة إلى صورة مسجد ...
3- تصغير التوقيع ...

وساااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااا
اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااا
اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااامحني

على الإطالة والتفلطن* ... :)

===============================
*التفلطن نسبة إلى الفيلسوف أفلاطون :D

[Erhabe]

وأنا عندي برنامج كلك ... :)

إذا تبي شي حاظرين ... ;)

تحياتي

[الطموح]

السلام عليكم ورحمه الله وبركاته


شباب مادري شقولكم

بس اليوم جاني منتج الشريط وقالي انهم طبعوا 1000 نسخه وخلصوا

وانه النسخه طلعت باهتة شوية

بس يقول شكلها صار أحلى " أحسن بردوه "

الله يخلي مصمم رومكو ....رقع لهم التصميم قبل الطباعه :cool:


اخوي دي ام بي

يا حيلا .....من زمااااااااان ماشفناك :D

لابس اليوم استفدنا من توجيهاتك وايد

يزاك الله خير

اختي فتاه الاقصى


جزاج الله خير

هذا من ذوقج الطيب

اختي افوكادو

تصدقين هذي اول مرة اسمع بهالمعلومة

والله زين ريحتيني نفسيا .....طلعت اعرف اشير

اخوي السمي أحمد

وأخيرااا سجلت معانا بفناتق :cool:

والله شفت شلون قمنا نتظور

عقبال مانصمم مجلات ;)

بالنسبة للون الوردي فأنا أخترته لأنه بناتي شوي " سورة مريم "

وبعدين انا سويت كذا نموذج وعجبهم هذا " بعد ما خففت اللون الوردي "

بالنسبة للcymk فأنا عارف هالشي لكنه يقهرني لما أصمم

احط اخضر يقلب ازرق

كل الالوان باهتة .......والله اتعجب لما أشوف تصميمم مطبوع وفيه الوان فاتحه
شلون حولوه على الـ cymk :confused:


اما بالنسبة للعكس فتوني انتبه لهالخطأ الغبي

لكن ان شاء الله بالمطبعه عدلوه

مشرفنا الغالي ارهابي

عاش من شافك .......حسبي الله على العلوم الي ماتخلينا نشوفك بالمنتدى

بالنسبة لنظام الألوان فمثل ماقلت

التصميم بعد الطباعه طلع باهت شوي " مثل ما قالوا لي " بس شسوي اذا بديت بنظام cmyk أحقد على شي اسمه فوتوشوب

اما بالنسبة للصورة فمادري من وين ساحبها

بس إن شاء الله تكون مسجد :p وبعدين يعني مريم مو ام المسيح

يعني شفيها اذا حطينا كنيسة " قام يلعب بالنار " :D

عموما انا وريتهم اكثر من صورة وعجبتهم هذي وايد وقالي خلها على حجم الصفحه كاملة " كيفهم "

وبالنسبة للخطوط ..... فهذا مو كوفي ....هذا قيروان " يعني بيرقع "

بس شسوي ماعندنا غير القديم ........ الكلك ب100 دينار " أنا خل أشتري سيارة علشان أفكر أشتري برنامج أصلي "

اما التوزيع فزين طلع مني هالحركات .....أنا ويين وهالخطوط وين

والله للحين ماشفتوا خط ايدي العجيب :cool:

اما بالنسبة للدعايه ........فشسوي طلب مني بعز الامتحانات اسوي تصميم بيومين

قلت ماشي وأتعابي " قالي الميزانية ماتسمح " قلت عيل أنا راضي بالدعاية لا أكثر " واحد طيب مثلي ماكو "

وبالنسبة للإطالة والتفلطن

فبالعكس أنا استفدت وااايد من التفلطن .....وياليت أحصل واحد يتفلطن ويتسقرط " نسبة إلى سقراط " على راسي كل ما أسوي تصميم ....لعل وعسى نصير مصممين صج ;)

وإن شاء الله في أشرطه كثييييرة جايه بالطريج

تقريبا كل شهر شريط " إذا مو أكثر "

فإن شاء الله تضبطونا بجم خط حلو وبجم صورة محترمة ;)

وجزاكم الرحمن الف خير على أراؤكم الي فادتني وااايد

وعساكم عالقوة

[القطب]

السلام عليكم ..

سلمت يداك أخي الطموح على هذا العمل ، واسأل الله أن يرزقك أجر من يقتني هذا الشريط ..

ولكن هلا عرفتنا بالقارئ الشيخ / ماجد العنزي

حيث يبدو جديدا بالنسبة لي ..

وشكرا يا رعاك الله..

[hasoba]

التصميم حلو وايد
و مب لازم يكون روتينى علشان يعجبهم ;)

وثلامتكم
حاسوبه

[Dar-Al-Tawhied]

السلام عليكم ورحمة الله وبركاته

أولا اشكر المهندس احمد على الصورة الجميلة

بس انا اقولكم منو الشيخ ماجد العنزي ....

.... امام و خطيب في وزارة الأوقاف....

واذا تبون تعرفون عنه اكثر قولولي علشان اعرفكم عليه وانا صاحب الشريط .... يعني هذا اصداري...الأول...

والسلام عليكم ورحمة الله وبركاته

[الطموح]

جزاك الله الف خير اخوي دار التوحيد على تعريفك الاخوه بالشيخ الفاضل ماجد العنزي

واحنا نترقب بشوق كبير سيرة الشيخ في موقع المستقبل ;)

ونترقب بشوق أكبر مقاطع الشريط الجديد

عجلوا بالشغل بارك الله فيكم وسدد دربكم لكل مافيه خير للأمه

[الطموح]

اخوي احمد نت

جنه انت الغلطان :D

انا من شفت تصميمك وانا متعقد

جيكت على الاشرطة الي عندي " كلها اربعه او خمسه " فلقيت انه كعب التصميم في أغلبها من اليمين لليسار :confused:

شوف على سبيل المثال الصورة المرفقه