شلونكم مع الطبخ؟؟؟؟؟؟؟؟؟؟؟

[q8_girl]

السلام عليكم
انشالله تكونون cool:cool:
صراحه انا ودي اعرف شلون شباب فناتق مع الطبخ يعني عمرهم جربو يطبخون صج اذا في احد مجرب خلي يعطينا طرق بس تكفون في احد ذايق الي مسوينه F-2 علشان نشوف منو اشطر شباب فناتق ولا المنتدى الثاني الي ادخله ..........................

[بــ أسـامةــو]

ههههههههه
والله إبتكاراتنا بالطبخ ماتنتهي ... بس إحنا مانطبخ إلا بحالة وحدة ((عندنا بالبيت)) إذا طافت الساعة 12 كل واحد يدبر حاله ومن هني تبدي الإبتكارات و الإبداعات في مجال الطبخ:
مم للعشاء عشاء خفيف سندويشات حلوم بالزعتر مع قطع البطاطا الساخنة المقلية
((بس مو كل مرة على حسب الجو إذا الأهل نايمين سوينا البطاط))
و الذرا بالخلطة السرية (( إلي يسونه بالجمعيات ألحين)) مع عصير
الليمون أو الفراولة..
المقادير لطبق الحلوم:
4 قطع طماطم صغيرة
ملعقة من الزعتر و زيت زيتون خفيف
2 قطع صمون رول..مال النقانق..

طريقة التحضير:
تفتح الصمونة
ويوضع فيها المقادير السابقة بتنظيم و تسخن لدرجة القرمشة. عاد كل واحد و إبتكاراته. ملاحظة المقادير السابقة لسندويشتين 2 .

مم أما البطاطا المقلية:
عادة يكون عندنا بطاطا المثلجة المقطعة هذي سهلة التحضير نسخن الزيت و بعدها نلقي البطاطا داخل القدر حتى تنضج.

أما طبق الذرة بالخلطة السرية:

- المقادير:
ملح على حسب قدر حبات الذرة .
كل واحد و القدر إلي يبيه من حبات الذرة (( الذرة المقطعة )) .
زبدة.
ليمون
فلفل أسود.
طريقة التحضير:
- يتم تسخين حبات الذرة بالماء المغلي وبعد عملية غليان الذرة يتم عملية معروفة بلقب : ((Mix))
العصير:
وخلي ناخذ عصير الفراولة:
المكونات: فراولة مثلجة - ماء شرب متوسط الحرارة.
طريقة التحضير:
يتم وضع حبات الفراولة المثلجة في الخلاط مع الماء و يتم خلطها بالخلاط.

و بالهناء و بالشفاء
أخوكم في الرحمن: ش. بو أسامة ((ش. تعني : شيف )) مصدق عمره

[الجرح الفلسطيني]

لوووول الصراحة انا ما ادري شنو نتيجة الاكلات ,,,؟؟؟؟

بس احسن مني,,, لاني ما اعرف اسوي شي ,,, بس طبخات بو اسامة شكلهم زينين و سهلين ما عدا البطاط المقلي هذه ما اتجرا عليها = ) و شكلي بجربهم ان شاء الله اذا ناموا البيت = )

جزاك الله خير
= )

[Ruban]

مشكوريين ... على ذكر اسمي بالموضوع Ppp~~ LooOOoOL

[بــ أسـامةــو]

بس آنا أبري ذمتي إذا صار بأحد الأعضاء تسمم تالي الليل.
لووووول .. لا تخافون أتقشمر.

[5oOFaaSHaa]

شي عدل واي ودي اعرف اطبخ بس اخاف من السكين عقدتي @@

وما احب الناااااااااااااار @@ يا الهي @@


بس اعرف اسوي توست و جبن :)

[جمال الروح]

موضوع جميل :)

سؤال حلو يا بنت الكويت ..

الصراحة .. أنا وحدة أدخل المطبخ .. بس ما جربت الطبخات الخفيفة ..

وعاد أبي أقول شي للبنات ..

لين متى إن شا الله ما بتدخلون المطبخ ؟!!

ما يصير خواتي .. لازم تتعلمون ..

(( شدوا حيلكم ))

[aCHooNa]

لوووووول لا اتطووفكم الطبخات اللي اسويها F-2
عمري ما سويت طبخة و ماعدتها مرة ثانية اب نفس اليوم :p
يا اكون حارقتها :S او طلعتها من الفرن و اهي ليلحين مو مستوية وو حطيتها بالماعون :D يالله منو يقدر يسوي فنتق جذي مثلي F-2

[5oOFaaSHaa]

صدقتي اختي جما الروح لازم نعرف شلون نطبخ !!


مرة كانت الساعة 1:00 بالليل و الخدم نايمين و انا و اختي بالصاله و احنا متعودين في بيتنا ما نطب المطبخ و لا نعرفه ...

ابوي حبيبي اشتهى (رقيه )....


جان يقول قصولي رقي !! عفيه على بنياتي!! احنا اخترعنا :whatch:

شلون نقص الرقيه ما نعرف F-1

بس كل شي يهون عشان الغالي :2P

ورحنا انا و اختي رحله المطبخ نقص رقي طبعا بدعناااااااااااااااااااااااااااااااااااااااااااااا اااااااااااااااااااااااااااا:o


تولينا الرقيه على ما وصلت حق ابوي الا اهيا هريس F-1


دشينا المطبخ سوينا معركة مع الرقي و طلعنا بس كان تعب لوووووووووووووووووووووووول بروحي اخاف من السكينة F-1



بس عدت على خير لوووووووووووولF-2

[بــ أسـامةــو]

خووووووووووووووووووش طبخة ((هريسة الرقي)) لووووووووووول

[Creative Artist]

لوووووول اكلاتكم عجيبة!!

عادي انا احط وصفة؟؟:p

كيكة الكاكاو ((حدها yummy ))

المقادير::

1 و 3\4 كوب طحين
1 و 3\4 كوب سكر
3\4 قالب زبدة اللي وزنها 113.5 grams على ما اعتقد
3 بيضات
نص قوطي قيمر KDD.. او علبة نستله "قشطة"
1\2 كوب شوكولا بودر
1\4 كوب ماء دافي ينخلط معاه ملعقة صغيرة قهوة نسكافيه
ملعقة صغيرة فانيلا
ملعقة صغيرة بيكينج باودر

**مقادير الصلصة::
علبة قيمر KDD أو علبتين قشطة نستله
شوكولا aero حسب الرغبة
الطريقة:: يذاب الـ aero في حمام مائي أو كيفكم و يضاف اليه القيمر
وهذا تسوونه اخر شي عقب ما تخلص الكيكة

**طريقة الكيكة:::
-تذاب الزبدة بالنار
-يخلط البيض و السكر و الفانيلا ثم تضاف الزبدة
- ينخل الطحين و البيكينج باودر ثم يضاف الى الخليط السابق تدريجيا
-تضاف باقي المقادير (الكاكاو و القهوة و القيمر)
- تصب في قالب الكعك و توضع في الفرن لمدة 3\4 الى ساعة واحدة أو حتى تنضج
-يصب فوقها الصلصة
-ثم تزين بالفليك المفتت

وبالهنا و الشفا :)

[Creative Artist]

وذكرت اكلة حدها لذيذة!!!!
اهيه مو طبخة طبخة.. بس يعني:p اسمها دشة مطبخ:)

المقادير:::
كيك سارالي (شوكولا)
ايس كريم فانيلا
بسكوت اوريو
فليك

الطريقة..
أول شي نكسر البسكوت لما يصير بودرة تقريبا
بعدين ناخذ ماعون الـ cheese cake (اللي نقدر نشييل اطرااافه)
نصف كيك سارالي
ونحط فوقه طبقة ايس كريم
بعدين طبقة اوريو مفتفت
بعدين مرة ثانية كيك- ايسكريم- اوريو
واخر شي فليك مفتفت

وحدددددددددددددددددددددددددددها عجيييييييبة!!!
عليكم بالعااافية:)

[aCHooNa]

لوووووووووووووووووووول حتى انا تذكرت طبخات عجييبة
شوفوا يالحبايب
رووحوا الجمعية صوب قسم العلب .... في كيكات اتصيير جاهزة بس اتحطون عليها زبدة و ماي و بيض و حطوها بالخلاطة و دخلوها الفرن

امثلة :
****ies
BRowNies
MeLFaih
ChoCoLate MoiSe
و لا تنسوون اللقيمااااااااات F-2
ترى رمضان بالطريييج

[cute]

ما شاء الله عليكم صج فناتق

[البندري]

اما بالنسبه لي انا
تخيلو ما اعرف شي عن المطبخ نهائياااااااا
ما عرف غير البيض والشاي وبسسسسسسسسسسسسسسس
ولما تخرجت من الكليه ......................ياسلااااااام يا بوويه
وبعد كذاااااااااااااا انخطبت ................كملت عدل
في النهايه ايش بيصير
دخول على المطبخ فورا ًَ
لا امرا ًَ انما رغبة في التعلم

وانا الحين اعجبكم في الفطائر وانواع الحلى
عاد باقي الكبسه........ اه اه اه اه
F-1 الله يعين الطامة الكبرى وباقي الهريس و القرصان و و و و
بس الحين احسن من قبل على الاقل عرفت اسوي معكرونه
ربنا لك الحمد والشكر

اختكم
البندري

[شواطئ النور]

كل ما ادخل المطبخ تصير مصايب فضيعه، حتى امايه منذرتني يا ويلي


اذا دخلت المطبخ...:D:D:D



في شي واحد فالحه فيه:

ألا وهو غسال المواعين والجدور..:shy: :shy: :shy:

اذا تبون فزعه ترانا في الشوفه..:b-smile::b-smile:


اختكم في الله
شواطئ النور

[q8_girl]

اسفه على التأخير واشكركم على التفاعل بالموضوع :) :)
ابواسامه:اثبت انك فنتوق واليوم انشاالله اسوي الذره بس مو ملاحظ
معاى ان الحلوم وايد صعب :p
الجرح الفلسطيني:اشكرج على المرور ..
سندويch ه:اشكرج على المرور..
خفاشه:ابشرج راح تطيحين بchبد اهلch "اتغشمر"F-2
جمال الروح: اشكرch على المرور..
achoona:عادي مع الايام تتعلمين بس عاد حاولي :)
creative astist:اشكرج وانا مجربه كيكه الكاكاو لذيييييييذه وانشاالله نجرب الثانيه :cool:
cute:اشكرch على المرور:)
البندري: اشدعوه عطينا طريقة الفطاير...
شواطى النور: اشكرج على المرور والله اذا عندج استعداد تعالي ساعديني لان خدامتنا سافرتF-2 F-2

[شواطئ النور]

افا عليج q8_girl...:)


تامرين، ان شاء الله امركم الليله، بس بشرط التذاكر والاقامه كله عليج:)

هاه شو قلتي؟؟؟


اختك في الله
شواطئ النور

[الطموح]

انا ناطر هالموضوع من زماااااااااااااان

ابي واحد ينقذني
قبل لا اجي كندا حرصت اني احصل توفل بالانجليزي
بس مع الاسف الشديد ماحصلت على توفل بالطبخ :(

لكن الحمد لله الوالدة شحنتي بمطبخ صغير
يعني نص الجنطة بهارات و شوربات وتمور و شوية اكلات خفيفة كالرهش والحب وخلافه ........... لكن اهم شي كتاب اكلات كويتية لفاطمة حسين :D :D

والله ذاك اليوم كان عندنا اسبوع عطلة قلت لااازم اضوق عايلتي الايطالية الاكل الكويتي الاصيل " مو نفسهم كل يوم قاثيني بالباستا والعياذ بالله "

والله افتح الكتاب الا حاطين مجبوس لحم بس مافيه مجبوس دجاج
بس الحمدلله امي دزتلي الوصفة بالايميل " احلى ايميل استلمه بحياتي :D "
بس كان في شي ناقص ...مادزتلي وصفة الحشو " الحين انت ما تعرف تغسل دجاجة تبي تطبخ حشو :p "
والله وتدزلي وصفة الحشو ....واقعد لك اسبوع افتر بالاسواق با الله يمعت المقادير المطلوبة
ويأتي اليوم الموعود ...رجعت البيت مبجر 3 ساعات
نصلي وندعي ونبتهل تطلع الأكلة محترمة
بعدين جهزت العدة وذهبت الى ساحة الجهاد
دخلت المطبخ بعدتي " فبهت الذي كفر " امي الايطالية لما شافت البهارات
صارت مثل المينونه تفتح القراش تشمهم وتدوخ جنها شامه ماريجونا
وتحط بخشم الطالب الياباني الي زين مازوع علينا :2P

شكلي ذاك اليوم كان مو طبيعي ...ماسك الاوراق والكتب والعدة وحايس حوس جني باكتشف الذرة

اول شي قطيت الزبيب بماي حار لمدة عشر دقايق وخليت النخي يطبخ بماي حار لنفس الفترة وبنفس الوقت البصل يطبخ على النار وانا ارش عليه ماي حتى يصير لونه احمر
البصل صار لونه احمر فلازم اضيف له زيت عادي ...والبيت مافيه الازيت زيتون والام طلعت ....قلبي وقف شسوي الحين ....مني مناك حصلت زيت عنب فحطيته على طول
وبعدين اضفت الزبيب والنخي " الي اكتشفت انه مال حب مو حشو ..يابس و دبل اكس لارج " وبعدين فوق الخليط فلفل اسود وبهارات مخلوطة وقلبتهم عشر دقايق وطفيت الجولة ...وبجذي انزاح هم الحشو

باقي العيش ... بنت ابطاليا تحن على قلبي تبي تحطه بالجدر المضغوط
اقولها مكتوب بالايميل نخليه يتنقع بالماي نص ساعة بعدين نضيف له ماي الدجاج ونخليه يطبخ نص ساعة .. بس تقول لي انت مافهمت الايميل ...وسوت الي براسها
بعدين ولع النار وقط شوية زيت بالجدر لما يصير حار وبعدين حط خمس حبات من الهيل والدارسيت والمسمار والكاري وكزبرة وفلفل اسود وبهارات مخلوطة وملح وبصلة صغيرة وتقلبها مدة دقيقتين وتحط فوقهم الدجاجة المغسولة وتقلب مدة خمس دقايق بعدين تصب ماي حار وتخلي الجدر يغلي ساعة كاملة
وفي اثناء تطبيق الخطوات الاحظ انه الام شطبت على الحشو
" يا ماما هذا ياكلونه فوق العيش مو سلطة بروحه
:whatch: "
" وييييه غبرة ...... خلاص يمه اسوي حشو ثاني ولا تزعل "
والله عقب ساعة اروح ابي احط ماي الدجاج على العيش جان تقول لي خلاص العيش جهز مايتحمل طبخ " وانا صار لي قرن افهمها اني بطبخه مع ماي الدجاج " فقلت يا الله خاربه خاربه...حطيت شوية زعفران بماي حار عشر دقايق بعدين صبيته على العيش
وطلع الدجاجة وقطها بالفرن وحط فوقها بهارات مخلوطة مع شوية هيل بودر وانطر لما يصير لونها احمر
نزلت غرفتي اجيك على الايميل الا تقول لي " عشاااااا "
شالسالفة بسرعة حلصت الدجاجة
اثراها للحين رمادية ماحمرت بس طلعتها من الفرن
اي ليييييييييييش ؟؟
بس صارت مستوية ماله داعي " يا شيييين اللقافة "
جينا للدقوس
فاطمة حسين الله يغفر لها كاتبه في كتابها القبم " تحط اربع طماطات مع قفشة صغيرة من معجون الطماط على النار لصنع الدقوس "
وانا مغفل حطيت قفشه صغيرة ولا بطلع لي بالنهاية طماط حب
وين الساااااااائل ؟؟
ما عليه اليوم باكل مجبوس باكل مجبوس مهما كانت النتايج

والله اقعد عالطاولة الا الجدور مسطرة " الاتيكيت صفر "
اشوف الا ماي الدجاج جدامي
" شحقة حاطته هني "
" علشان حسافة عليه نكته ناكله كمرق "

تذكرت امي الصجية .....لو خدامة تسوي جذي جان اهي بخبر كان
اكلة كانت اي شيييي
ماكان فيها طعم

بس الجماعه كانوا حدهم مستانسين
ومابقى احد بكندا مادقوا عليه وقالوا له ترا قاعد ناكل اكلة كويتية غريييييبة " على النتايج صج غريبة ...حتى بالكويت ماناكلها :p "

بس ان شاء الله وباذن الله راح اطبخ مرة ثانية
وراح انجح نجاح باااااااهر
وكلكم معزومين على اكلة كويتية غريبة من طبخ الشيف الطموح :cool:

[بــ أسـامةــو]

ههههههههههههههههههههههههههههههههههههههههههههههه

و الله إنك طماشة يالطموح شكلك مبدع بكندا.......F-1

أختي : q8_girl و الله مادري بس أحس الحلوم سهله حييل... :p

[q8_girl]

شواطئ النور : فيها خساير اغسلهم بروحي F-2
الطموح : والله كسرت خاطري الله يكوووون بعونك وبعون امك الله يطول بعمرها بس اعتقد اذا رديت الكويت راح تصك على فاطمه حسين :D
بو اسامه:هذا دليل على براعتك:p :p

[الطموح]

السلام عليكم مرة ثانية

جزاكم الله خير اخواني عالتعاطف واقدر لكم مشاعركم

بس هالله هالله برمضان ..... ابي اسوي لقيمات وقطايف وكنافة بالقشطة " الله يرحم الحال .... انا لو اعرف اسوي بيض بالخضرة بالاول .... خلني مجابل مكسرات الرفاعي احسن :D "

عموما مدرسة الـ writting طالبة منه نكتب فقرة عن احدى هواياتنا F-1

طبعا من هوايتي هاليومين الطبخ " احم احم "

فكانت هذي الوصفة اللذيذة :cool:

---------------------------------------------------------------

- How to prepare Béchamel sauce? -
There are several steps to prepare delicious Béchamel which gives the Pasta fantastic taste. First of all you need to have two table spoons of butter, three cubs of milk, four table spoons of flour, 1 cubes of maggi "chicken suck", and 4 table spoons of thick cream. Then follow directly these steps to prepare this amazing sauce. First dissolve flour in milk. Then mix all the ingredients, except the thick cream, very well. Then stir the mix on the fire till you see the bubbles on the surface and till you see the sauce become thick. Now remove from fire and add the thick cream and stir for five minutes. After that you can add the sauce to your ****ed Pasta or any dish you like such as chicken wings or roast beef …etc. Put your dish which you put the sauce above it in hot oven for twenty minutes. Finally put your food in nice dish and invite your friends to enjoy with you!

[simsim]

فشلتووووونا بنات..!! F-1
طلعوا الشباب احسن منا!:rolleyes:

لكن

((نحن لا نرضى الا بالنصر))

يت لكم البطلة :cool:

بعلمكم طريقة لتحضير الكيكة السمسمية ((تخربط فوق رووسكم ما عليكم منها))

المقادير::
1-بودرة حليب ( التموين..نيدو...الخ)
2-كاكاو نسكويك
3-1/4 قلاص ماي
4-كيك الجمعيات (يفضل سارالي)
((للتنوييييه...المقادير لشخص واحد فقط!!)

طريقة التحضير::
اولا نخلط قفشة ونص او قفشتين كبار من بودرة الحليب مع 3 قفشات متوسطه من كاكاو نسكويك والماي
ثانيا نييب قطعتين من الكيك وتوضع بصحن
ثالثا تصب الخلطة فوق الكيك
رابعا نييب القفشة وناكل الكيك

والحمدلله :D

[q8_girl]

اشكركم على المرور:) واحنا نجرب شوراناF-2

[™ Faith]

انا الحمدالله اعرف اطبخ لا وبعد طباخه ماهره سألوا سندويشه عن حلوياتي .. بس لم الحين ما ضاقت غداي

[Ruban]

LoOooOL:p:p

عاد كلش ولا حلويات زوووغة...تكسر الظهر...

لا ما ذقت غداكch..بس ذقت غدى امكch..عجييييييييب...

وهذا الشبل من ذاك الأسد ;)

[™ Faith]

e7m e7m arfa3 ilras
bs haman sandwicha et3rf etsawee 7alawiyat oo latnsain ele ****ies oo rice crispy ele sawaita ma3ach oo 3fsna ilma6ba5 ;) eb grade 6 ;)

[Ruban]

LOOoOOOL ,,,,:p

[Al3lMia_86]

الطبخ عندي زين و مو زين


يعني أطبخ و أدش المطبخ على المشتهات


ذيك المره كان يوم اليمعه و السبت عندي إمتحان كيميا

و صعب يعني يبيله و أنا أدر ما بقا إلا نص ساعه على الفطور


جان يطق براسي إني أروح المطبخ و اسوي أي سي المهم

بسوي شي

بحليلي والله و سويت بيتزا التوست كاانت عجيييبه

(( لو بالعطه جان ما دشيت المطبخ خير شر لكن في وقت الأمتحانات أتوقع الغيييييييير متوقع عااادي :D ))

و مره أنا و بنت عمتي كانت نايمه عندنا قلنا بنخترع أكله

:D :D :D :\

و حطينه كل علللللللله بالمطبخ يعني بنسوي بيبسي :)

كل البهارات وووووو أشياااء واااااايد


و بائت محاولاتنا بالفشل (( يعني أكيييد شي طبيعي :D ))

بس لا هذا مو معناتا إني ما أطبخ


لا أنا طبـــــــــــــــــــاخه :):):):)

[ملاك الاسلام]

ذكرتوني بسالفه

مره اخوي تحداني انه يقدر يطبخ برياني ..وقلت له الميدان ياحميدان ..الخدامه اليوم طالعه وروح اطبخ ...

هذا اليوم تغدينا عيش حاف يابس ..ودياي داخله كيس !!!!