>>* طلبي أي وصفة طبيعية .. لــ جمالك بدون مكياج .. و أنا حاضر * <<

[الشيماء]

خواتي .. حبيباتي .. :)

اللي يحبون الوصفات الطبيعيه و يدورون على وصفات طبيعيه ..

أنا مستعده أساعدكم :)

أعرف بالوصفات الطبيعيه .. لجمالج بدون مكياج

وصفات للعنايه بالشعر و البشرة و الأظافر و العين و الأسنان و الشفايف

كريمات .. شامبوهات .. بلسم .. صبغات .. ماسك .. صابون .. عطور .. زيوت ...(( طبعاً كلها طبيعية :) ))


و أعرف بعد شوي بالأدويه الشعبيه لعلاج بعض الأمراض ..


كل وحده تقول شنو تبي و أنا راح أحط لها الوصفه :)

أمروا بس :)

تحياتي

شيومه :):)

[رائدة المستقبل]

بسم الله الرحمن الرحيم..

يزاج الله خير يالشيماء..:)

نبي وصفات للعناية بالشعر والبشرة اذا ممكن..:)

ودمت لنا ..:)

اختكم..

[الشيماء]

و ياج يا رائدة المستقبل :)

الوصفات كثيره .. بحط لج اليوم وصفه لشعر ووصفه للبشره :)

[الشيماء]

بلسم للعناية بالشعر و يعطي لمعان و نعومه ::

2 ملعقة كبيرة زيت زيتون .

1 ملعقة كبيرة خل التفاح .

صفار بيضه واحدة .


تخلطينهم عدل و تدلكين فيه شعرج مع التركيز على فروة الراس و نهايات الشعر .. و بعدها تلفين شعرج بفوطه دافيه لمدة نص ساعه .. و بعدها تغسلين شعرج بالشامبو تشطفينه :)

[الشيماء]

لانعاش البشرة و العناية بها ::

قشور 3 برتقالات .

و لتر و ثلاث و ثلثين ماء مغلي .

تغسلين قشور البرتقال و تقطعينها صغار و تصبين فوقها الماي المغلي و تخلينها تنقع فيه لمدة ساعتين .. و بعدها تصفينه .. و تحطينه ببخاخ ..

و تستخدمينه يومياً

على فكره تقدرين تستخدمينه لشعر جم رشه بس بعد ماتتسبحين يعطي لمعه للشعر :)

يعني مفيد للبشره و الشعر :)

[رائدة المستقبل]

يزاج الله خير يا الغالية ..

ان شاءالله أتابع الوصفات..:)

ودمتم لفناتق العجيب..:)

اختكم..

[hapyface]

أخت شيومه بغيت أسألج .. أنا ويهي فيه بقع سود وشلون أوخرها :rolleyes:

[banoOota]

أختي شيوم آنا ويهي فيه شوووووووووية حبوب شلون أوخرهم؟؟؟

[لؤلؤة الزمن]

اختي شيوم انا ابي وصفه للصبغات ممكن تعطيني ؟؟؟؟؟؟
انا اترياج

[NeWLeader]

اختي الشيماء ...

ممكن لو سمحتي بغيت وصفة حق البشرة الحساسة ... (( ماسك ))

تحياتي

[الشيماء]

بنات سوري على التاخير بس صار لي فتره ماقعد على النت وايد :o

ان شاء الله اليوم اكتب لكم الوصفات :)


----

رائده وياج يا الغاليه :)

[الشيماء]

hapyface ::::

عجينة اللوز لتبيض البشره و التخلص من البقع ::

3 حبات لوز

بيضه واحده

1 ملعقة صغيرة عصير ليمون


الطريقة ::::


يقشر اللوز ، و ينقع في الماء ، ثم يطحن لصنع العجينة ، و يضاف للعجينة عصير الليمون بعد خلطه ببياض البيضه ، توضع طبقة من العجينة على مكان البقع ، ثم تشطف بعد 15 دقيقة بماء فاتر ، ثم ماء بارد ، يكرر ذلك يومياً .


و اتمنى لكِ بشرة بيضاء خاليه من البقع السوداء :)

[الشيماء]

banoOota

عجينة الخيار و الشوفان لتنظيف البشرة و علاج الحبوب ::

1 ملعقة كبيرة من عصير الخيار .

1 ملعقة كبيرة من الشوفان .


الطريقة ::::


يخلط عصير الخيار بالشوفان جيداً لصنع عجينة .

تفرد العجينة على البشرة لمدة ربع ساعه ، ثم تمسح بماء بارد .



و اتمنى لكِ بشرة جميلة خالية من الحبوب :)

[الشيماء]

لؤلؤة الزمن

مافهمت سؤالج بالضبط ؟؟

يعني تبين وصفات لصبغات طبيعيه مثل الحنا و الاعشاب ؟؟

والا تبين شيء يوخر الصبغه و يرد الشعر لطبيعته ؟


ياليت توضحين لي اكثر

و حياج الله :)

[الشيماء]

NeWLeader ::

قناع الجزر .. للبشرة الحساسة :::


نصف جزرة واحدة متوسطة الحجم .

ربع ملعقة عسل نحل (( طبيعي )) .


الطريقة ::::

يقطع الجزر الى شرائح و يعصر و يصفى ، ثم يضاف عصير الجزر الى العسل ، و يخلط الإثنان جيداً .

يدهن الخليط على الوجه ، ثم يشطف بالماء الفاتر بعد ربع ساعة .

[لؤلؤة الزمن]

هلا اختي شيوم



هيه ابا وصفه لصبغه الطبيعية للحنه والاعشاب ..يعني ابي اغير لون الشعر


والسمووووووحه على الازعاج F-2


اختج
لؤلؤة الزمن

[لؤلؤة الزمن]

:confused:

[MoFaNTaGa]

السلام عليكم
يعطيج العافيه حبوبه .. والله افدتينى .. بس انا سامعه ان فى وصفات حق الريل اذا عندج وصفه تنعم لريول جان زين. والله احنى من كثر المشى اريولنا ما قامت تتحمل شى :confused: