تعدد الزوجات...

[dosy_555]

بسم الله الرحمن الرحيم




ليش المرأه اول ماتقولها زوجك بيتزوج عليك اتقوم الدنيا ولا تقعدها.....بل وتتمنى ان زوجها يموت قبل ما يسوي هالسالفه والادهى من ذلك انه بعض الزوجات تتمنى انه يلجا للحرام ولا انه يتزوج عليها وحجتها بذلك انها علاقه عابره وستمضي.....



في مشهد يتكرر يوميا.... مراهقة صغيرة تسمّرت أمام الشاشة تتابع مسلسلها المفضل .. على الشاشة كانت "البطلة" الجميلة تبكي بحرقة ... وأمامها وقف "رجل" "ذليل" .. يملأ عينيه الشعور بالذنب ... لقد اكتشفت زوجته زواجه من غيرها !

مسحت المراهقة دمعة انزلقت على خدها وهي تتمتم : الخاين !!!



برايكم ليش صار الزواج الثاني(( خطيئه))!!!؟؟

والنسوان يعتبرونه جريمه مع انه مباح في الشريعه الاسلاميه لكن تحكمه الشروط والانضباطات الشرعيه....


وبعض والنساء وللاسف هم من يدفعون زوجاتهم للزواج عليهن بسبب تصرفاتهن .....


وهنا رجال هداهم الله اخذوا بدايه آيه اباحة التعدد وتركوا الباقي .....




يقول تعالى:





((وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا))........





منتظر آرائكم القيمه ورايكم في التعدد.....

[نجمة الإئتلافية]

يزاك الله خير على الموضوع :)

طبيعي إن المرأة ترفض إن زوجها يتزوج عليها وماتقبل بهالشي...

صح إنه الإسلام أباح التعدد لكن اشترط " العدل "

وأغلبية الأزواج مايعدلون بين زوجاتهم...!

ويتولد على هالشي مشاكل وايد تتعدى الزوجين لتصل إلى الأبناء..!

و إذا كانت الزوجة تدفع الزوج حق هالشي ابتصرفاتها يقدر ينبهها ويقومها (خلقن من ضلع أعوج)

واهوا اللي اختارها أساسا فممكن التعدد يزيد المشكلة مايحلها..

في أزواج يدققون على كل صغيرة وكبيرة يعني مافي أحد كامل...

وكل إنسان له سلبيات فعليه إنه يغض الطرف عن بعضها وبهدوء يحاول يصلح لأن طبيعي

إذا ضغط عليها وايد راح تنفجر وماراح تتقبل أي شي منه...

[dosy_555]

صح إنه الإسلام أباح التعدد لكن اشترط " العدل "

وأغلبية الأزواج مايعدلون بين زوجاتهم...!




هذي اهم نقطه في موضوع التعدد ....

فبعض الرجال يبحث في الزوجه الثانيه عن الذريه التي لم تنجبها له الزوجه الاولى وبعضهم يبحث عن الحنان والاهتمام به وتلبية احتياجاته .....

جزاك الله خير اختي نجمه الائتلافيه على الرد.........

[do0my]

الموضوع حلو وطبعا في عدة أسباب اهمها واولها ..

الغيرة
الاحساس بالنقص مقارنة ببقاي النساء
وراح تحس بأنها راح تفقد الاهتمام او تحس بعدم العدل حتى لو عدل الزوج
واسباب تعتبرها المرأة خاصة

:)

[شمعة أمل]

موضوع جميل اخوي الفاضل يستحق النقاش
بالنسبة للتعدد أنا معك من حق الرجل ان يمارس حقه الشرعي في الزواج من ثانية وثالثة ورابعة ولكن بشرط ذكرته انت سابقا وهو العدل ففعلا بعض الازواج لايعدلون بين زوجاتهم عندما يحكمون ميلهم القلبي.
ولكن لامانع من التعدد دامت الاولى هي من قصرت أو لم تستطع انجاب الذرية وهذه هي وجهة نظري لا أكثر

[منطلقة بطموحي]

السلام عليكم ..

شكرا لك يا اخي الفاضل dosy_555 على هذا الموضوع المهم ..

مثل ما قالت عزيزتي نجمة الإئتلافية .. صعب انهم يعدلون ..

و في سبب ثاني و اهو ان الزوجة الأولى ساعات تكون مو مقصرة معاه ، و لكن فوق هذا يبي وحدة ثانية !! يعني احس السالفة لعب ؟؟!!!! .. اوكي اذا الزوجة الاولى مقصرة ، من حقه ياخذ ثانية .. و لكن فيه رجال يلعبون دام ان الشرع محلل لهم فا يالله شوراهم خل ياخذون اكثر من وحدة !!!! .. طبعا انا قلت بعض الرجال ما قلت كلهم ..

و شكرا :) ..

[dosy_555]

بسم الله الرحمن الرحيم

مشكورين اخواتي على المشاركه في الموضوع......

اختي banota ....جزاك الله خير على ردك بس ممكن اتكون البنت اهي الغلطانه.. والله ريلها مابيروح ويتزوج عليها مني والدرب صح ولا لا .... يعني كان في يدها انها تقعد مع ريلها وتناقش السالفه..

مشكوره اختي شمعة أمل ..ماتوقعت احصل هذي الجواب من بنت جواب منطقي جدا جزاك الله خير..

جزاك الله الفردوس الاعلى اختي منطلقة بطموحي... خوووووووووش كلام اذا كانت الزوجه مو مقصره في شي فاعتقد انه ماله حق ياخذ ثانيه وهذي راي شخصي لا اكثر ولا اقل ..

وفي رجال بيزاتهم وايد ومايعرفون وين يقطونها فيقوم ويتزوج ثنتين وثلاث واربع......

مشكوووورين ....

اخوكم في الله dosy_555 :good:

[دعاة المعالي]

تعدد الزجات ..!!
موضوع متفرع و متشعب ..!!!

صحيح الاسلام حلل شرع للرجل الزاوج من 4 ..!!! و حددهم ( 4 )

لان قبل ( الجاهلية ) غير محكوم الشي ..

فهذا اول شي ...

ثاني شي يوم شرع التعدد .. حط الاسباب و المبررات ..

منها على سبيل المثال لا الحصر و اللي يحضرني حاليا ..

ان المرة تكون عاقر .. !! فاباح الاسلام للرجل الزواج من اخرى ((( تزوجوا الودود الولود فإني مكاثر بكم الأمم )))

================================================

اما عن الاسبااااب اللي تخلي المرة تعصب و ترفض الشي ...

انه عاطفتها تمنعها .. فاهي بطبيعة تحب التملك .. و خاصة مع شريك الحياة ..!!!

اما عن انه المرة تكون مقصرة فهذا شي ثاني ...!!

الله كريم ..

[dosy_555]

مشكوره اختي الشموخ على المشاركه .....

اما عن انه المرة تكون مقصرة فهذا شي ثاني ...!!


كلامج صحيح اذا كانت المره مقصره فاظن ان من حق ريلها انه يتزوج عليها .....

والسالفه كلش مافيها زعل ....لانه اهي من جرت الزوج الى الزواج عليها بتصرفاتها....

[الـــزهـــرة]

السلام عليكم ..

اول مشاركة لي في فناتق ابداهاا بهالموضوع ..


فعلاااا اناااا بنت وامراة لكن مع التعدد .. :2P
من اسباب قناعاتي ان التعدد حل لمشكلة العنوووسه وااذااا قالت كل زوجه مو زوجي الوحيد بالعالم علشان يحل العنوسه وكل وحده تقول هالكلام اجل من اللي بيتزوج ويخفف من العنوووسه ..
ومن الاسباب بعد هوو مشكلة الانجاااب لكن موووشرط عدم الانجاب لان سمعت عن كثير من الازواج اللي ظلوااا مع بعض لاخر لحظة بحياتهم بدون اطفال وبدون تفكير بزوجه ثانية .. ماراح اوصف الزوج بانه وفي لان ماراح اكون مثل ماقالت البنت لماااشافت المسلسل عن الزوج (( الخاااين))
والمسالة ماهي مسالة خيانه .. الخيانه انه يتزوج وزوجته ماتكون بعلم من زواجه الثاني ..

:king: بس لو تزوجت وتزوج علي زوجي بقووم الدنيااا فوق راااسه .. كككككككك مسويه فيلسوفه وبعدين اناقض راايي ..
بحاول اقتنع بكلامي لانه هو المنطق .. اماا واقعي كامراااه .. الغيــــــرة وحب التملك مثل ماقلتوا يالفناتق ..يمنعوني من الموااافقه ..
مع احترامي لكل الفناتق والفنتوقات اللي اطرحواا رايهم ..

وكل الشكررررر للـ dosy_555 على طرحه الموضوع .. وبالفعل هو موضوع واسع ومتشعب ..