كيفية عمل التوقيع بالفوتوشوب من الصفر وحتى الاحتراف

[design]

السلام عليكم ورحمة الله وبركاته ..

(( للعلم الدرس قديم نظرا لحذف الصور تم اعادته بعد سنتين ^_^ ))

طبعا برنامج حلو ومعروووووف ومافي احد بالنت ما يحتااجه بل الان اصبح الكل وده يتعلم على الفوتوشوب

هالمره درسنا سهل حييل يعني من الصفر .. التوقيع ما يبي شي لا فرش ولا تعقيدات ولا فلاتر

بس هذي الامور مهمه في المرحله القاادمه اللي رااح نمر عليها بس لازم نتعلم شلون نسوي توقيع صاافي وونظيف وحلو بطريقه سهله .. وهو هذا المطلوب من التصاميم وبس ..

المطلوب فوتوشوب ME 7 فما فوق .. يعني يدعم اللغه العربية .. لاتنزله من النت يطول اشتريه من المحلات بدينار ونص ..

اول صورة .. راح نعرف الاساسيات على
الوجه السريع والمختصر كل شي مشروح بالصور

أ-
http://talk.fanateq.com/vb/attachment.php?attachmentid=10313&d=1180249031

ب-
http://talk.fanateq.com/vb/attachment.php?attachmentid=10314&d=1180249031

ج-
http://talk.fanateq.com/vb/attachment.php?attachmentid=10315&d=1180249031

د-
http://talk.fanateq.com/vb/attachment.php?attachmentid=10316&d=1180249055




مانطول عليكم نبدأ بالدرس التصميم او التوقيع ..

1-
نفتح الفوتوشوب ونرووح على قائمة فاايل .. وبعدين اوبن كما هو موضح بالصووره

http://talk.fanateq.com/vb/attachment.php?attachmentid=10276&stc=1&d=1180206055

2-
الحين نرووح على اداة
T
عشاان نكتب اللي نبيه ونضغط بنص الصفحه ونكتب على طوول
وطبعا ااذا نبي نكبر الخط او نغير نوعه عن طريق تظليل النص ومن ثم نغير
تماما مثل الوورد

http://talk.fanateq.com/vb/attachment.php?attachmentid=10277&stc=1&d=1180206055


3-
الحين بعد ما كتبنا الكلام نبي نسوي عليه تأثير
طبعا يكون اللير المفعل اللي هو عليه النقطه الحمره وهو لير الكتابه
ونضغط الخيار اللي تحت اللي جنه دائرة سوده وعليها حرف الاف
ولما نضغطها راح تطلع لنا قاائمة نختار اول كلمه اللي هي
Blending Options

http://talk.fanateq.com/vb/attachment.php?attachmentid=10278&stc=1&d=1180206055

4-
طلع لنا مربع ال
Blending Options
وفيه خيارات كثيره الاولى تسوي ظل تحت الكلمه
والأخيره تسوي تحديد داير مدار الكلمه
والبااقي جربوهم وشوفو شنو يسوون تأثيرات مختلفه

مثل ما قلت نختار الاخيره
Stroke
وبعد ما نحط علامة الصح نضغط عليها دبل كلك
عشاان تطلع لنا خياراتها
رااح اخلي القيمه فووق واحد
واللون اضغط عليه واخليه اسود بدل الاحمر

http://talk.fanateq.com/vb/attachment.php?attachmentid=10279&stc=1&d=1180206231

5-

الحين نبي نسوي تحديد ايضا للصوره كلها
والطريقه سهله نضيف لير جديد
وانا أنصح اننا نضيف لير جديد كل مره حتى تقدر تتحكم باللي تبيه

نضيف لير جديد عن طريق الضغط على الايقونه اللي تحت جنها صوورة ورقة مصفطه
وراح يكون عندنا لي جديد وعلى فكره نقدر نسحب اللير بالماوس لو نبي ويكون عندي نسخه كوبي عنه
نحتاجها بعدين هالامور
كما هو موضح بالشكل التالي

http://talk.fanateq.com/vb/attachment.php?attachmentid=10280&stc=1&d=1180206231

6-
الحين بعد ما ضفنا لير جديد
نحدد الصورة بالكامل عن طريق
CTRL+A
واذا بشيل التحديد
CTRL+D

المهم نحدد الصورة بالكامل عن طريق
CTRL + A
ونروح من قائمة
Edit
وبعدين
Stroke
وراح يطلع لنا مربع مثل منتوا شايفين بالشكل
نختار القيمه المناسبه انا اخترت واحد
ونختار اللون انا اخترت البرتقالي
وبس نضغط اوكيه
وبجذي راح ينتهى التصميم وصار عندنا اطار له

http://talk.fanateq.com/vb/attachment.php?attachmentid=10317&d=1180249208

7-
بعد ما خلصنا من التصميم اهم نقطه الحين
وهي الزبده
شلون نحفظ التصميم بالطريقة الصحيحه

من قائمة
File
وبعدين
Save as

يطلع لنا مربع
ونختار الامتداد التالي
JPG
حق الصوور الثابته واللي من غير خلفيه شفافه
انسب لها هذا
وبعدين نكتب الاسم
ونسيف
مثل ما هو بالشكل

http://talk.fanateq.com/vb/attachment.php?attachmentid=10318&d=1180249208

8-
بعدها راح يطلع لنا مربع اخير
نختار القيمه 12 او 11 او 10
ليش قلت جذي ثلاث اختيارات عشاان بعض الصوور تكون مثلا
كبيره فرقم 12 يكبر المسااحة واغلب المواقع حدها ماتشيل حجم الصووره كبير يكون
فنختار انزل انزل لين مانشوف الموقع يتناسب معانا ولالا وهذي الثلاث
خيارات راح تطلع لنا الصوره بشكل نظيف

طبعا هذي الصورة مو لتصميمنا بس نفسها عشان لايقول واحد الرقم يختلف

http://talk.fanateq.com/vb/attachment.php?attachmentid=10321&d=1180249279

9-
انتهينا وهذا التصميم

http://talk.fanateq.com/vb/attachment.php?attachmentid=10319&d=1180249208

هذي الصوورة اللي يبي يطبق عليها

هنـــــــا (http://talk.fanateq.com/vb/attachment.php?attachmentid=10320&d=1180249279)


خلص الدرس طبعا هو سهل بس لانه اول درس
بس كأساس نقطه مهمه انكم تمشون عليها
حتى نشوف النقاوة واضحة في تصاميمكم
طبعا شرحته بالتفصيل الممل

واللي عنده اي سؤال بالفوتوشوب حتى لو كاان بسيييط

لا يتردد ويحطه هنيه او بالمجلس حتى نقدر نرد عليه

وارجو متابعة الموضوع لان ممكن تكون فيه اسئلة وأجوبه تفيدكم وهم في دروس اخرى بنفس هالموضوع تابعوونا باستمرار ..
سي
سيأتي بعده درس دمج الصور وهكذا ..
ودمتم بود ..

برعاية منظمة الليدرز الفنتوقية
عطاء بلاحدود

دزاين ..

[Bent El-Deera]

يعطيك العافية أخوي

بس معظم الصور ما تطلعلي ... للأسف :/

[أندلسية]

السلام عليكم و رحمة الله و بركاته ...

جزاك الله خييير اخوي .. ما قصرت ..

لكن عندي نفس ملاحظة الاخت بنت الديرة ..

في ميزان أعمالك ..!!

[design]

يعني في صوور ماتطلع ؟
اااااااه قوويه يااله رفعتهم انا ..
بشووف بومحمد ..

[أبو محمد]

صبرا اشوف ..

[أبو محمد]

طالع لي 5 صور ..

[أبو محمد]

نو نو اكثر 13 صورة بس ترى 5 الي بالمرفقات بس

[أبو محمد]

كلها على فناتق شلون جت 5 بس ؟؟ انت رافعهم كلهم من مرفقات هالموضوع ؟؟

[design]

اي انا رفعتهم من مواضيع ثاانيه لان ها مايشيل الا خمسة ابي الصوور طالعه ولالا ؟

ودام بومحمد شاف 13 صوورة معناته طالعين لا تطالعون اللي بالمرفقات
انتظروا الصوور ال 13

[بــاااايــعـها]

انا ما طلعوا لي بعد ^_^


غريبه شلون ابو محمد طالعه عندك ؟؟؟؟؟؟

[:: نسائم ~]

جزاك الله خير 00

بس أنا برضو ما يطلع الا خمس صور 00

[mony]

وعليكم السلام ورحمة الله وبركاته

جميل جدا جدا

بانتظار رؤية بقية الصور

:)

بالتوفيق
أختكم

[design]

يااله الحين اووكيه

[mony]

الله يعطيك العافية
واضح جداا وسهل جدا

شكرا شكرا شكرا

:)

بالتوفيق
أختكم

[Abdallh]

الحين كل الصور طالعه جاري التطبيق .....

[Abdallh]

السلام عليكم
http://talk.fanateq.com/vb/attachment.php?attachmentid=10322&stc=1&d=1180252420
هذا تطبيقي ان شاء الله يكون صح :) :ask:

[ღ Rawan ღ]

ماشاءاللهـ ماشاءاللهـ .. !! يعطيك ألف ألف عافيهـ أخوي ديزاين .. :)
صج الموضوعْ يا بوقته لأني جد عبارة عن " تمثال " في الفوتوشوب p: .. عاد أشوى عندي
هالبرنامجين .. يزاك اللهـ ألف خير ,, و إن شاء اللهـ بتابع الموضوعْ بالعطلة و بطبقه !!
مشكوووور .. :)

[design]

يمكن مايسعني الوقت ارد على كل تطبيق
لكن انا مسوي الدرس بطريقة سهله جدا بحيث نسبة الخطأ
راح تكون واحد بالمية .. والعبرة انك تستفيد انك وتكون راضي عن نفسك والله نفس الصورة اللي حاطها ولالاء ..


الله يعافيج موني
تطبيق ممتاز عبدالله
التواقه حيااج بأي وقت ولاحقين واهم شي دراستكم


طبعا راح يليه دروس اخرى انا امشي وانتو عاد كيكفكم امشو على راحتكم كل مطرود ملحوق

[غرور]

بارك الله فيك أخ ديزاين

على المجهود الطيب

ولدي برنامج الفوتوشوب

الإصدار Cs2 هل يتوافق

مع درسكم؟؟

لأن مستواي أقل من مبتدئ

اعمل على الخلفيات والفرش فقط

لذلك لا اعلم إلا القليل عن توافق هذا الإصدار

[design]

اهلا اختي غرور

اي نفس الشي نفس القوائم ونفس الشي هو ماتغير تقريبا مسوين يمكن زيادات بس انا عن نفسي ماشفت اختلاف فيه ..
وانا حاط هالدرس للي اقل من المبتدئ ..

طبعا يكون في تفاوت بالمستوى بيناتكم البعض راح يتاخر تلقي الدروس والبعض راح يتابع اهم شي انه الصور تكون موجوده والدرس موجود هنيه متى ماطبقتوه كان بها وحتى لو ماطبقتوا عادي اهم شي اوصل الفكرة لكم بشكل مبسط

[أندلسية]

جزاك الله خير اخوي ..

و ان شاء الله التطبيق خلال دقايق يكون موجود ..

و بارك الله فيك..

[جوري^_^]

يعطيك العافيه اخوي على الدرس ان شاء الله اطبق ..:)

[غرور]

جزاكم الله خير على الرد

والصور موجودة كامله

وفعلا الدرس جدا سلس

سيتم تطبيقه بإذن الله

ومتابعين لدروسكم المفيدة ..

بارك الله فيكم

[أندلسية]

اممم .. الحمدلله مشيت صح بكل الخطوات ..

ماعدا الخطوة الأخيرة و اللي هن الاطار ..

سويت كل خطوة مثل ما قلت لكن ي النهاية مو قاعدة يطلع لي الاطار حاولت كذا مرة ..

ماادري شالسالفة ؟!!

[design]

وهنيه عندنا شرح شلون نصغر الصوورة وهذا مفييد للكل
وللي عندهم كاميرات او يااخذون صووره كبيره يبون يصغرونها بالحجم اللي يبونه

ما عليهم الا يطبقون الخطوات التاليه

1-
طبعا نحدد الصوورة .. كنترول + A

وبعدين قائمة Image

وبعدين نختار Image Size



http://talk.fanateq.com/vb/attachment.php?attachmentid=10343&d=1180285303


2-
وتحطون الرقم في الخاانه اللي فووق مثلا هي 800 اكتب عندها 450 خلاص يتعدل اللي تحتها بما يوافقها تلقاائي .. واهم شي علامات الصح موجوده تحت ..

http://talk.fanateq.com/vb/attachment.php?attachmentid=10344&d=1180285303

وفي طريقة ثاانيه

وهي التغصير اليدوي يعني اذا حبيت تصغره بس ماتدري جم القيااس اللي ودك فيه

في هذي الطريقه ..

نحدد الصوورة .. كنترول + A

مرات مايرضى يتحدد تأكد انه الاداة المفعله هي اداة السهم اول اداة ..

وبعدين بعد ماحددنا الصوورة بالكامل .. نضغط .. كنترول + T

ومن الزاويه نمسكها بالماوس وظل ضاغطين ونصغر وحنا بعد ضاغطيين الشفت Shift

ليش الشفت عشاان التصغير يكون صحيح مو معوق ^_^

1-
http://talk.fanateq.com/vb/attachment.php?attachmentid=10345&d=1180285303

وهنيه نحب نتعلم شي حلوو اللي هو شلون نرجع جم خطوة للوراء بالفوتوشوب
لان في قائمة Edit
ترجعنا مره بس

الطريقة كما هو موضح بالشكل

نضغط على مربع الليرات وفي خانة اسمها
History
ونضغط على الخطوات من أسفل الى أعلى وبجذي راح ترجع خطوة خطوة
1-
http://talk.fanateq.com/vb/attachment.php?attachmentid=10346&d=1180285334

اذا مو طالع شي من المربعات اللي بالشكل عن
طريق قائمة windows
والشكل الموضح عليه الاسهم
راح تكون صفحة البرنامج بالشكل المطلوب
1-
http://talk.fanateq.com/vb/attachment.php?attachmentid=10347&d=1180285334


بالتوفيق

[design]

اخواني بالنسبة للموضوع الثااني هو يكون مرجع لي .. بس انا بالغلط رفعته فما ابيكم تدشون عليه هذااك بس لي عشاان انقل منه الدرس القديم .. الدرس الاصلي اللي هو بتوقيعي .. للعلم


بالنسبة لسؤال الاخت اندلسية ..

تضيفين لير جديد .. تعرفين الطريقة ؟ من تحت تشوفين في مربع الليرات على اليمين سلة المحذوفات وبعدين شكل ورقه اضغطيها تضيف لير جديد ..

وبعدين تضغطين Ctrl + A

وبعدين من قائمة Edit ويعدين .. Stoke
وتختارين حجم الخط ولونه وخلاص .. موافق ..


حيااكم الله اخت غرور يشرفنا ذلك

وشكرا اختي جوري بتواصلكم معانا

[أندلسية]

خلاص خلاص .. ضبطت معاي ..

بس دور موقع للتحميل ان شاء الله ..

[design]

من غير موقع للتحميل عندج من خلال رد جديد ترفعين الصووره عن طريقة ادارة المرفقات .. وتقدرين تحطينها كصوورة بنسخ الصورة المرفقة وتحت مثل ماسويت انا بالدرس هذا .. تلاحظين المرفقات تحت والصوور فووق ..

[أندلسية]

امممم ... هذا اهوا تطبيقي ::


بالنسبة للدرس التالي الصور ايضا مو فاتحه معاي ..

و شكرا

[design]

تطبيق ممتاز اخت اندلسية ..^_^

راح نروح لخطوة جديد نبي خطوط .. ملينا من اللي عندنا بالجهاز ..

هذا موقع نزلوا منه خطوط عربية وإنجليزية .. فيه كمية راح تفي بالغرض


http://soft.vip600.com/modules.php?name=AllFonts

واليكم الطريقة ..

طريقة تركيب الخطوط

1- نزل الخط اللي أعجبك على جهازك.

2- انسخ الخط (حط مؤشر الماوس على الخط واضغط الزر اللي على يمين الماوس واختار نسخ "Copy")

3- اضغط على أيقونه جهاز الكمبيوتر "My Computer" وبعدها اضغط على الدرايف C

4- اضغط على ملف WINDOWS

5- اضغط على ملف Fonts

6- حط مؤشر الماوس في وسط الملف واضغط الزر اللي على يمين الماوس واختار لصق "Paste"

7- جذي تكون ركبت الخط ... افتح اي برنامج يستخدم الخطوط مثل الوورد او الفوتوشوب وتبي تلقى الخط موجود.




لاتنسوون تسوون ملف جديد بالجهاز خاص بالخطوط حتى لو انحذف ولا صار شي يكون موجود متى ماتبون ترجعون له ..


عقبه راح ناخذ درس جديد وبعده ناخذ شلون نضيف فرش على الفوتوشوب والباقي يأتي تباعا مثل ما ذكرت ليين اخلص من الدورة المصغره هذي وعقبه عاد انطلقوا في سماء الفوتوشوب بكيفكم ..


الدروس موجوده بكل مكان الميزه هنيه الاسهل من بين الدروس في النت ..

تابعونا ..

[dr.nafsia]

السلاااااااام عليكم,,,,,

ممكن انظم معاكم...!!

دروووس ولا اروع ما شاء الله قراته بالكامل....

سهل جدا لكن بعض الصور مثل ما ذكروا لاخوان ما تطلع....

ان شاء الله نطبق فاقرب وقت...وبندعيلكم..

ما تقصروون

[softy soul]

ما شاء الله درووس روووعه وسهله وميسره..
وأحلى شي انه فيها عمل كل أداة لانه فيه بعض الادوات انا ما أعرف عملها بالضبط..
يعطيك العافيه اخوي ديزاين..

[design]

حيااكم الله دكتورة نفسية وسووفتي ..

بالنسبة لاي صورة مو ظاهر انتوا ما عليكم الا تقوولين لي عليها عشاان ارفعها

حتى تتابعون الدروس بسهولة ويسر ..

الحين الصور طالعه المشكلة مو من الموقع انا شوي احط الموضوع بموضوع ثااني
اضيع يعني عادي تلاقون باقي الدروس بقسم الزواج انسى واعدل الرد على موضوع ثاني ^_^

[أندلسية]

جزاك الله خير على المعلومات القيمة و المفيدة ..

الخطوط جدا حلوة بارك الله فيك ..

[بنت الصديق]

وآنا بعد معاكم وديت أطبق ... ^^

مشكورين وكل الصور طالعه والحمد لله ...

[بنت الصديق]

<<<<<<<<<<<<

[بنت الصديق]

أعتقد هذا أهم شي تعلمته .. ^^

مشكور أخ ديزاين ..

[design]

او لا تطبيقج ممتاز ..

وبالنسبة للخير الاخير شفتي المربع الاخير اللي عليه علامة الصح اضغطي عليها راح تطلع لج اعدادته .. وبعدييييييييييين واضغطي على اللون واختاريه لان الاول يكون احمر

وبعدين فووق تلاقين حجم الخط 3 خليه 1 وبس

وحياكم الله ..


كان ودي اكمل باقي الدروس بس لان الموضوع القديم انحذف وفيه الدروس والصور عندي انطر لين يرجع الدرس القديم عشان اقتبس منه واكمل اعادت ترميمه

[بنت الصديق]

طبقت وتم بحمد الله ......^^

[فجر الدعوة]

درس رائع ومفصل

جزاك الله خيرا

[design]

ماشاءالله عليكم

مشكورين

تابعوا بعدين البااقي لما ينزل الجديد

[design]

الدرس الجديد ..2

اليوم عندنا فلتر .. انتشاار الالوان ..

يعني ناخذ اي صورة يفضل صوور الطبيعية .. لانها رااح تعطي لنا ألوان كثييره ..

*نستعرض صوورة من الصور الموجوده بالكمبيوتر .. وبما انك مصمم الحين بعد ما تعدينا هالمرحلتين المهمات .. لازم تسوي ملفات خااصة وتحفظها بالدي لا سمح الله يختفون اذا ضرب جهازك فايروس .. وتسوي له فورمات ..

يعني تسوي ملف خااص بالخطوط .. وملف خااص بالفرش .. وملف خااص بالصوور اللي تنقيها من النت .. كل م تشووف صوورة احتفظ فيها راح تحتاجها انا عندي صوور من جم سنه الى الان اشووفها موجوده .. وهم التصميم اللي تسويه احتفظ فيه راح بعدين تحتاج انك تستعير منه مثلا خلفية او فرشه او شي معين ..

الشرح ..

1-
نفتح الصورة اللي عندنا .. وانا اخترت الصورة الموجوده بالمثال ..

وبعدين نروح لقائمة Filter وبعدين Blur وبعدين Radial Blur

http://talk.fanateq.com/vb/attachment.php?attachmentid=10435&stc=1&d=1180814536

2-

الحين بعد ما ضغطنا الفلتر اللي نبيه .. رااح يطلع لنا المربع التالي .. ونحط القيمه 100%

وبعدين نختار zoom وبعدين نختار good وطبعا الفلتر نقدر نحرك اتجاهه اذا تحب بس حاليه خله بالنص عشاان الدرس .. ونضغط اوكيه ..

http://talk.fanateq.com/vb/attachment.php?attachmentid=10437&stc=1&d=1180814536


3-
الحين بعد الفلتر تطلع عندنا الصوورة بهذا الشكل وطبعا اصبرو ما خلصنا بعد جم خطوه بقت ..

http://talk.fanateq.com/vb/attachment.php?attachmentid=10438&stc=1&d=1180814680

4-
الحين لازم نكرر الفلتر على الصوورة 4 او 5 مرات .. شلون

نضغط Ctrl + F يعني نضغطهم مع بعض خمس مرات مثل ما انا سويت او اربع وانتو شوفو شلون رااح تتغير الصورة .. وتطلع لنا بهذا الشكل .. اي صورة ماتبيها استخدم فيها هالفلتر وتقدر تقص جزء منها وتسوي لك بنرات وتواقيع حلوه

http://talk.fanateq.com/vb/attachment.php?attachmentid=10439&stc=1&d=1180814680

5-
الحين الصورة ترى بنظري باهته .. خل نضبطها شوي ..

ننسخ العمل .. ونفتح صفحه جديده .. ونحطها مرتين .. CTrl + V / CTRL + V

او اي طريقه لنسخ الصووره طبعا تعرفون .

وبعدين نغير صيغة اللير اللي فووق .. من NORMAL الى Overlay او اي صيغة تشووفها مناسبة

وينتهي العمل .. بهذا الشكل تشوفونه ترى في فرق كبير ..

http://talk.fanateq.com/vb/attachment.php?attachmentid=10440&stc=1&d=1180815159


ونقدر عاد نطبق عليها الفلتر الساابق Guassian Blur عشاان تخليها اكثر نعومه
ترى انا ماذكر اسماءها عدل عاد اكتب يعني لا تدققون ^_^

يااله ورونا شطارتكم في درس بعده مشاابه له العبره اننا نستفيد من بعض الدروس ادوات معينه ونتعرف عليها ..

ورونا التطابيق بموضوع دروس التطبيقات ..

البعض يقول مثلا انا كل ما اطبق ما تصير معاي فييأس لاء خطأ نحاول مره ومرتين وثلاث مافي مشكله المهم نتعلم ..


ياله بالتوفيق


دزاين ..

[design]

تعديـــــــــــل ....

[غرور]

ما شاء الله مبدع ..

جزاكم الله خير على الدرس ..

[softy soul]

ما شاء الله درس رائع..
وشرح مبسط..
يعطيك العافيه..
وجزاك الله ألف خير..
والحين بحط تطبيقي .. :)

[design]

اي شي تبوونه حطوونه هنيه من تطبيقات وغيره واستفسارات .. عشاان اجيك عليه بعد وضعي للدروس ..

وحيااكم الله اختي الكريمه غرور

والاخت سوفتي

[أندلسية]

جزاك الله خير اخوي ..

ان شاء الله رح اطبق اليوم ..

و من اطبق انزله ..

[softy soul]

اي شي تبوونه حطوونه هنيه من تطبيقات وغيره واستفسارات

اهنيه نحطه أنا حطيته بالموضوع الثاني مال التطبيقات ليش مو هناك التطبيقات ولا أنا غلطانه؟؟

[doblomaseya]

بارك الله فيك وجزاك الله خير
انا طبقت الدرس الاول
لكن الكتابة مختلفة لاني ماعرفت كيف اضغط مرتين على خيار ستروك
يعني ضغطت وماطلع لي شي
يعطيكم العافية

[design]

اندلسية شكرا .. وعادي بأي وقت

اي سووفتي شفته هناك تطبيق ممتاز بس انتبهي على جودة الصور
يعني بالحفظ ..


بس اي شي حطوه هنيه عشان اشوفه .. هذيك المواضيع قديمه .. لا تفتحونها ..

دبلوماسية ..
تطبيق اولا ممتاز وعشره على عشره ..

اما الستوك نوعين قلناه .. اللي من قائمة Edit وبعدين stoke
هذا قلت عند الاطار للصورة ..

اما اطار الكتابة .. فهو موجود بعد ما نضغط دبل كلك على اللير وتطلع لنا مربع التأثيرات
اخر وحده هي التحديد نضغط عليها مرتين تنفتح ونعدل عليها ونختار رقم واحد واللون اسود .. والكتابة ابيض .. من الاول ..

[doblomaseya]

السلام عليكم
رجعت بتطبيق الدرس الثاني^_^
وان شاء الله يكون صحيح
يعطيكم العافية

[design]

جمييييييل التطبيق حلوو لان الصورة المستخدمه فاقعه وصافية والونها كثير فتعطينا نتيجة افضل ..

[أندلسية]

هذا اهوا التطبيق و ان كان من امس مسويته ..!!

[design]

جمييييييييل راح ينفعكم الفلتر بشغلات مستقبليه ..

كل تواقيعي اسويها جذي اقصها بالنص واغير بالصيغ ..

انتظروا القادم ان شاءالله

[design]

السلام عليكم ورحمة الله وبركاته ..


الدرس 3

( اللي يدش ينطر لا يرد لين خلص من تحميل كل الصور )

اليوم عندنا درس مهم جدا وهو دمج الصور بالفوتوشوب بأسهل الطرق واجملها ..
في طرق كثيره بس هذي اسهلها ..

طبعا تعلمنا شلون نصمم توقيع سهل ما يبي شي هالمره نبي نضيف صووره على صوورة وهم راح نتعرف على بعض الادوات والاستخدامات اللي مطلوب منا نسويها دايم بالتصميم وهو عبااره عن درسين بدرس واحد .. هو حجي كثير بس ترى كله سهل لانك اذا ما اخذت بكلامي طالع الصور وخلاص

بس تبي تمارين عشاان نتقن العمل .. وبجذي نكون اخذنا شووووووووووط كبير بالفوتوشوب شفتوا السهووله وتابعونا باستمرار في هالموضوع ..

الدرس ..
1-
اول شي ننزل صوورتين نختارهم .. تلاقونهم تحت اخر الموضوع
طبعا كانو كبار وانا صغرتهم وعرفتوا شلون نصغر الصور .. اوبن ونطلع الصوورتين

http://talk.fanateq.com/vb/attachment.php?attachmentid=10492&stc=1&d=1181242452

2-
الحين نسحب صورة البنتين للصورة الورديه بأداة السهم اسحب الصووره للثانيه خلوهم جنب بعض عشاان تدش فيها .. او عن طريق نسخ الصوورة الاولى ولصقها بالصورة الثاانيه .. بس

http://talk.fanateq.com/vb/attachment.php?attachmentid=10493&stc=1&d=1181242452

3-
هنيه اللير اللي فووق هو لير صورة البنات .. يعني مفعله .. عشان جذي نضغط الايقونة اللي بالاسفل وهي خااصة بالتدرج ودمج الصور كما في الصورة تحت ..

ونتأكد من اللون الاسود فوق والابيض تحت .. ونتأكد انه الموجود اداة تدرج الالوان مو السطل ..
وبعدين نشووف فووق لون التدرج اللي رااح نستخدمه كما بالشكل التالي ..

http://talk.fanateq.com/vb/attachment.php?attachmentid=10494&stc=1&d=1181242452

4-
الحين نشتغل ..
من نقرب الماوس للصورة ونضغط بالماوس ونسحب السهم يمين ونشووف راح نشووف انه شوي انسمح من الصوورة ونكمل بعد مره وبعدين من فووق وبعدين من يسار مثل ما نشووف صورة البنات عندنا بالشكل التالي .. تقدر ترجع مره وحده ctrl +Z او من الطريق اللي عرفوتها قبل الهيستوري

http://talk.fanateq.com/vb/attachment.php?attachmentid=10495&stc=1&d=1181242452

5-
بعدين بالصوورة هذي خلصنا من سحب التدرج على الصوورة بس ظلت في زيادات مانبيها
نرووح من عند لير الصوورة ونضغط القفل اللي بالنص موجود بالصوورة تحت ونشيله عشان نقدر نشتغل باداة الممحاة ومن اداة الممحاة ونختارها تكون ناعمه كما بالشكل نبدأ نمسح بمهاره عشاان ما نخرب الصوورة وكل شي موضح بالشكل ..

http://talk.fanateq.com/vb/attachment.php?attachmentid=10496&stc=1&d=1181242452

6-
الحين نسحب صورة البنتين تحت ونحطها في ايقونة ( اضافة لير جديد ) ورااح تنضااف صوره كوبي عنها او نضغط كلك يمين على لير صورة البنتين ونختار كلمة Duplicate Layer
وراح يكون عندنا صورة نسخها عنها .. ونغير صغية اللير اللي فووق من normal الى screen
او اي صيغه تبيها بس هنيه انا اشووف سكرين افضل ..

http://talk.fanateq.com/vb/attachment.php?attachmentid=10497&d=1181242729





وبجذي نكون انتيها ونحفظ التصميم لو نبي بس انا ما اوقف هنيه لازم اطبق بعض اللمساات اللي تعطي التصميم رونق وجمال .. ودايم اسويها بكل تصميم اخلص منه .. وبالمره نتعلم شي جديد

7-
نحدد الصوورة .. بالكامل ctrl + A وبعدين من قائمة Edit نختار Copy Merged وهذي دايم اختارها لانها تنسخ كل شي موجود بالصووره اما copy بس تنسخ اللير اللي انا عليه المفعل فقط .. وكل شي موجود بالصوورة بس انا اكتب زيااده للي ما يشوفون الكلام او صغير او مو واضح عندهم ..

http://talk.fanateq.com/vb/attachment.php?attachmentid=10498&d=1181242729

8-
بعدين بعد ما نسخنا الصوورة نرووح من قاائمة File وبعدين New وبعدين paste ونسويي بيست مره ثاانيه يعني نبي صووريتن متشابهتين مثل منتوا شاايفين بالشكل ..

ونرووح نغير صغية اللير اللي فوق من normal الى softlight ( ملاحظه تغير الصيغ تفيدينا كثير تعطينا اشكال حلوه .)

وبعد ما غيرنا صيغة اللير .. نروح من قائمة filter بعدين Blur وبعدين Gaussian Blur
ونخلي القيمه 4.0 ونقول اوكيه مثل ما هو بالشكل قدامنا ..

http://talk.fanateq.com/vb/attachment.php?attachmentid=10499&d=1181242729

9-
وهذا الشكل النهائي بعد اضاافة اللمسة الفلترية عليه راح نتعملها في مرحلة قادمه

http://talk.fanateq.com/vb/attachment.php?attachmentid=10500&d=1181242784

10-
وهذا الشكل من غير اي لمسات او اي فلتر يعني من بعد الخطوه رقم 6

http://talk.fanateq.com/vb/attachment.php?attachmentid=10501&d=1181242784



وبجذي خلصنا من درس اليوم والله حلوو جربوووه وان شاءالله يعجبكم
اي اي سؤااااااال ارجو ان لا تترددوا مابي واحد يقول والله استحيت اسأل ^_^

وهذي الصوور اذا تبونها

هذي صورة البنتين
http://talk.fanateq.com/vb/attachment.php?attachmentid=10502&d=1181243123
وهذي صوورة العطر والورد
http://talk.fanateq.com/vb/attachment.php?attachmentid=10503&d=1181243123[/CENTER]

[design]

تحميل بقية الصور ..

[design]

تحميل صور ايضا ..

[doblomaseya]

جزاك الله خير
بس الخطوة رقم 4 ماعرفت اشلون اسحب الماوس ؟؟؟

[design]

ماتبي شي سهله ..

مو وصلتي للخيار اللي يسوي مسح بطريقة التظليل ..

اضغطي على المكان اللي منه نسحب ومانشيل ايدنا من الماوس وحنا ضاغييين راح ينمط معانا .. مثل شلون تسوون التدرج اللوني جذي

[softy soul]

جزاك الله خير ..
ولي عوده مع التطبيق.. :)

[dr.nafsia]

مـــاشاء الله سهل جدا جدا
بما انا خلصنا اختبارات من اليوم ان شاء الله بنبدا التطبيق...

مشكور اخ دزاين عالدروس الطيبة ...بالتوفيق

[al_senafy]

شكرا جزيلا ..

[بنت الصديق]

أوووه درسين ... يبيلهم تطبيق ...

امممممم أشوه ثنينهم سهلين وتقريبا أعرفهم بس أشياء بسيطه ... اليوم آخر امتحان وانطروا التطبيق بإذن الله ^_^
مشكوووووووووورين أخ ديزان

[design]

سوفتي
دكتورة نفسيه
السنافي
بنت الصديق
حياكم الله واسعدنا تواجدكم

[بنت الصديق]

اممممم في مشكله عويصه ولا قارده تسير معاي كلش ...

التدرج ليمن أسوي تطلع نص الصفحه سوده والنص الثاني أبيض ولا شي يبين ..

ماكو فايده

[design]

اها معناته انتي مو ضاغطه الطريقة صح ..

اولا فوق قلنا يكون التدرح الاسود الشفاف ..

وبعدين قلنا تحت لما تضغطين على نفس لير الصورة
الدائرة البيضه اللي تحت وتسوينه يصير اللي قلت عليه

[أندلسية]

هذا اهوا نطبيقي ..

لكن في المج جربت طريقة ثانية ..

لأنة طريقة التدرج ما اضبطت معاي .. و هذا اهو التطبيق ::

[بحريني88]

اخوي انا البرنامج الي في البروقرمس ماعندي اياه اصلا !!
شلون ؟؟

[design]

ممتاااااااز برافوو عليج اندلسية ..

تطبيق ممتاز ..

يعني تقريبا انتي شقيتي شووط كبير لان هذا اصعب درس في هالدورة هذي .. الباقي امور يسهل تطبيقها .. وهذا اكثر شغل الفوتشوب عليه ..



بحريني هلا وغلا اخووي

والله شووف لازم تنزله لاني عجزت ادوره بالنت مالقيته ..
لازم تشتريه من محل كمبيوتر ..

[قمر راك]

تسلم أخووووووي ع الطريقة .. ماقصرت ..

يزاك الله خير .. ويعطيك العاافية ..

[بنت الصديق]

طبقت الدرسين ...
وهذا الي طلع معاي ..^^

طبعا قعدت قعده وعصبت بس قلت والله ماني قايمه ولا يأس ليمن أسويه والي يطلع يطلع ..والحمد لله الإصرار ياب فايده ..



مشكور أخ ديزان وايد تعلمت أشياء ..^^

[design]

قمر راك
العفوا ماسوينا الا الواجب

مشكورة ..



بنت الصديق .. حيااكم الله انتي لو بس مطبقه الدمج بطريقة انعم من هذي عشاان ماتأثر على جماليته بس بشكل عام تطبيق جيد .. والتطبيق الثاني ممتاااااز ..

[بنت الصديق]

بنت الصديق .. حيااكم الله انتي لو بس مطبقه الدمج بطريقة انعم من هذي عشاان ماتأثر على جماليته بس بشكل عام تطبيق جيد .. والتطبيق الثاني ممتاااااز ..

آنا لو أطبقه مره مرتين ثلاث خلاص بسير توب فيه بس للحين ..

والحمد لله على كل حال ..
وإن شاء الله المره اليايه بكون ممتاز ^_^

[الفارسه]

تسلم اخويه

وما تقصر

[design]

بنت الصديق حيااكم الله ..

الفارسة العفووو اختي وبارك الله فيج ..


اليوم عندنا درس جديد مادري جم رقمه 4 يمكن ..

الفرش وتركبيها وكيفية تنزيلها بالفوتوشوب ..

طبعا الحين عرفنا بعض الاساسيات وودنا نصمم وتلاقي اغلب التصاميم الصعبه بنظرك ماهي الا مجموعة فرش وخطوط متداخله ويا بعضها فتظن انه شي صعب هي اصلن امور جاهزه ماتحتاج منك الا التنسيق والذووق ..


1-
اولا نحمل الفرش الموجوده في النت او المواقع انا رااح احط لكم بعض الفرش المناسبه ..

رااح تكون في الغالب على شكل winzip ونضغط عليه وبعدين I Agree وبعدين نضغط على الفرشه ونقول Extract ونحطهم في ملف وااحد بحيث يسهل علينا الرجوع لهم في كل مره يمكن ينحذفون فجأه مادري ليش اسألو الفوتوشوب .. عليه عراات

في الصوورة التاليه ..

نضغط ايقونة الفرشه وراح تطلع لنا قاائمة نختار لود برش ..

http://talk.fanateq.com/vb/attachment.php?attachmentid=10636&stc=1&d=1181916008

2-
والحين بعد ما ضغطنا اللود برش .. رااح تطلع لنا قاائمة اول شي مو نفس هذي لان البعض مو منزل فرش فتطلع لنا الفرش اللي نازله مع الفوتوشوب ننزلها كلها ومن ثم ننتقل للملف اللي حاطين فيه الفرش مثلي هنيه مسوي بالدي ملف برش وحااط فيه كل الفرش بهذا الصوورة اختار واحد واحد واضغط لوود او اختار الفرشه واطقها مرتيين رااح تدخل وهكذاا والصوورة قدامكم ..

http://talk.fanateq.com/vb/attachment.php?attachmentid=10637&stc=1&d=1181916008


وبس ..

ملاحظاات

بالنسبة للتصميم توضع الفرشه يفضل في لير بروحها .. وبحيث انها تكون في الغالب نختار لونها ابيض لكن ممكن انكم تختارون اي لوون وتغيرون الصيغة مالتها من نورمل الى اي شي ثااني .. وتشووفون النتيااج المذهله ..

واللي يبي مثلا النجوم حيل مشعه .. يقدر يكرر فرشة النجمه مرتين ويخلي اللير اللي فوق اوفرلاي ..

اذا انحذفو ردو نزلوهم مره ثاانيه ماعرف غير هالطريقه اذا غيري يعرف بس هذي الدارجه عند كل المصممين ..

وهذا درس اخر .. صغير

شلون نسوي فرشه خاصه فينا كمثال اسمي او شخابيط او حركات انا مسويها بنفسي ..

1-
نفتح ملف جديد ووليكن 300*300 ونخلي الخلفية شفافه وتقدر لو كانت بيضه تضغط على الباجرواند مرتين ويطلع مربع تقول موافق وتصير الخلفيه لير مو تقدر تحذفه وتصير شفافه ..

المهم نكتب كمثال الاسم باللون الاسود وبالحجم اللي تبيه تقدر تسوي كذا وحده شخسران ..

وهذا مثل ما هو موضح بالشكل من قاائمة اديت ونختار ديفن برش .. لاحظ الصوورة

http://talk.fanateq.com/vb/attachment.php?attachmentid=10639&stc=1&d=1181916008

2-

وبعدين راح يطلع لنا ملف نقول اوكيه وخلاص رااح تلاقيها محفووظه في الفرش اخر وحده او دور عليها ^_^


http://talk.fanateq.com/vb/attachment.php?attachmentid=10638&stc=1&d=1181916008


وبس ..

بالنسبة للفرش .. كل واحد وذووقه في اختيار الفرش ما عليك الا انك تكتب فرش فوتوشوب بمحركات البحث وبتلاقي اللي تبيه .. واذا تبي شي مميز اكتبها بالانجليزي بتلاقيها في مواقع اجنبية ..

نقوا وتخيروا .. طبعا ممكن تطلع صووره دعاية ردوا فتحوا السايت مره ثاانيه لين تطلع لكم الفرش بصورها اختاروا اللي تبون .. وتضغطون على الصووره وتفتح الصفحة راح تلاقون كلمة داونلود اضغطوا عليها .. ونزلها الفرشة

http://search.deviantart.com/?section=browse&qh=boost%3Apopular+age_sigma%3A24h+age_scale%3A5&q=brush



التطبيق مو الزاامي بس نبي نشووف الابداعات في التصاميم وطبعا الاعضااء اللي

[mony]

الله يعطيك العافية

حلوووووو وسهلللللللل

طيب ممكن تعطينا كم فرشة من الفرش الجديدة
لو سمحت

^_^

بالتوفيق
أختكم

[design]

مشكووره اختي مووني ولكم مني أحلا فرش من اأقوى موقع للتصميم

نقوا وتخيروا .. طبعا ممكن تطلع صووره دعاية ردوا فتحوا السايت مره ثاانيه لين تطلع لكم الفرش بصورها اختاروا اللي تبون .. وتضغطون على الصووره وتفتح الصفحة راح تلاقون كلمة داونلود اضغطوا عليها .. ونزلها الفرشة

http://search.deviantart.com/?section=browse&qh=boost%3Apopular+age_sigma%3A24h+age_scale%3A5&q=brush

[mony]

الله الله الله
مشكوووووووووووور اخوي والله يعطيك العافية ويجزاك خييييييير

فرش روووووووووعة
ماشاء الله عجزت وانا أحمل
ومليت وجاني النوم :p

بكمل بكرة إن شاء الله

شكرا لك مرة أخرى

:)

بالتوفيق
أختكم

[بنت الصديق]

احم احم هذا من عقب الدروس الي تعلمتا أول توقيع لي..
في قمة البساطه وما كنت مفكره ..بس ما أدري شنو الي خلاني ألعب وأسوي:Happy:

وشووكرا على الدرس ..:Happy:

[design]

مشكوورين بالنسبة للفرش شفتووا شلون كثيره وحلوه .. وجميع الانواع

بنت الصديق شي جميل انه الواحد يبدئ يصمم لانه بجذي راح يتطور

[غرور]

جزاك الله خير على المجهود الطيب ..

وبالنسبة للفرش هل بإمكاني تنزيل مجموعة
على الفوتوشوب مره واحده أم يجب اتباع
الطريقة التقليدية وهي تنزيل كل واحده على حده؟

[design]

أهــلا أختي غرور يشرفني حضورج معانا

والله لازم واللي اعرفه واللي استخدمه
مازلت هي وحده وحده ..
هذا اللي اعرفه حاليا ومالقيت طريقة مره وحده يقولون في ملف بالفوتوشوب يكون فيه الفرش فلما نستختهم فيه ماطلعوا طلع نص واختفى نص اخر

[غرور]

جزاك الله خير ..

وبالنسبة للخطوط هل طريقة تحميلها مثل الفرش؟

واعذرنا على الإطالة

[design]

الخطوط .. حطينا كيفية تركبيها
الخطوط اسهل ..
تنسخيينهم كلهم مره وحده وتلصقينهم بملف الخطوط اللي بالويندز .. كوبي وبيست بس ماتبي شي ..

طريقة تركيب الخطوط

نزل الخط اللي أعجبك على جهازك.

انسخ الخط (حط مؤشر الماوس على الخط واضغط الزر اللي على يمين الماوس واختار نسخ "Copy")

اضغط على أيقونه جهاز الكمبيوتر "My Computer" وبعدها اضغط على الدرايف C

اضغط على ملف WINDOWS

اضغط على ملف Fonts

حط مؤشر الماوس في وسط الملف واضغط الزر اللي على يمين الماوس واختار لصق "Paste"

بكذا تكون ركبت الخط ... افتح اي برنامج يستخدم الخطوط مثل الوورد او الفوتوشوب وتبي تلقى الخط موجود.



وحياج الله بأي وقت نسعد بإستفساراتكم

[غرور]

جزاك الله خير ..

لم الاحظ الطريقة فالموضوع ما شاء الله

في ردود كثيرة .. بارك الله فيكم

[design]

معذووره بس اعتقد اني ماحط شي برووحه الا من خلال الدرس يعني ماحط درس برووحه اذا كنت حاطه برووحه فأعتذر لاني حاسب اللخبطه مع الردود .. بس اكتشفت انه افضل طريقة للدروس اللي هي بالشكل هذا المتتابع .. لو كل درس برووح اهمل ..

[design]

الدرس الجديد .. 5

الدرس الجديد .. عمل تصميم باستخدام الفرش ..

1-
نفتح صوورة جديده .. ونضيف لير جديد .. ومن اداة المربع .. نسوي الشكل التالي ونعبيه باللون الابيض ..

http://talk.fanateq.com/vb/attachment.php?attachmentid=10687&stc=1&d=1182112352

2-
الحين نخفف الاوبستي حق اللون الابيض ويكون خفيف مثل اللي بالصووره ..

وبعدين من اداة المربع نطلع خياراتها ونختار الخطي الافقي هو العمودي ترى مادري المهم الخط اللي بالعرض .. ^_^
ونحطه فوق المربع الابيض عشاان نطلع له منظر بس وتعرفون شلون التحديد وبعده اديت وبعده استروك ويكون في اطار .. مثل اللي بالصووره .. لاننسى انه نحطه بلير بروح عشاان لا يخفتي لونه مع المربع خففناه ..

http://talk.fanateq.com/vb/attachment.php?attachmentid=10688&stc=1&d=1182112352

3-
طبعا الحين جني اشووفكم اطقوون تبونه التحديد يرووح مايروح يقولك ردني على اداة المربع وطقني ارووح .. واذا تبي تفتك سو كنترول + دي

http://talk.fanateq.com/vb/attachment.php?attachmentid=10689&stc=1&d=1182112352

4-
الحين الخطوه المهم نصير اتكيت مانصير دفااشه وحووسه لاء
نصير مرتبين ^_^.. يعني نشووف النجوم وين ينحطون شووف جربو ماعجبكم شيلوها بلون ابيض

والفرش الثاانيه يتراوالي تكون صيغة الفرشه اوفرلاي عشاان تعطينا شكل حلو كيفك اللي تبيه .. على حسب الصورة يمكن بغير هالصورة مايصلح الاوفرلاي ..

http://talk.fanateq.com/vb/attachment.php?attachmentid=10690&stc=1&d=1182112410

5-
الحين نحط الكلام .. انا حطيت الكلمه خذها بحجم 100 وبخط الديواني كبير وسويت لها سويت لها تدرج الذهبي وظل وتحديد اسود وترى نقدر نحفظ الستايل هذا عشاان نستخدمه دايم عن طريق نيو ستايل بمربع التأثيرات على الكلام .. وباقي الكلام بلير بروح .. انتوا اختاروا الخط اللون اللي يعجبكم ..

http://talk.fanateq.com/vb/attachment.php?attachmentid=10691&stc=1&d=1182112410

6-
الحين نحط اطار كمثال انا حطيت لير جديد وحطينا اطار ابيض قيمه 20 وبعدين نحط لير جديد ونحط تحديد اسود قيمته 18 عشان يطلع الخط الابيض اللي تحت الاسود بالتمام ونحفظ خلاص .. شووفو شلون طلع معانا التصميم ..

http://talk.fanateq.com/vb/attachment.php?attachmentid=10692&stc=1&d=1182112849

[design]

تحميل الصورة ..

[doblomaseya]

تأخرت حساافه
المهم شكرا جزيلا على الدروس وتعبناك معانا
لكن رااح تكون في الغالب على شكل winzip ونضغط عليه وبعدين I Agree وبعدين نضغط على الفرشه ونقول Extract ونحطهم في ملف وااحد بحيث يسهل علينا الرجوع لهم في كل مره يمكن ينحذفون فجأه مادري ليش اسألو الفوتوشوب .. عليه عراات

ياريت تقولي الخطوات بالعربي لاني جهازي عربي : )

[بنت الصديق]

الله أحلا درس

بس آنا للحين الفرش مو راضين يتحملون عندي

...
موفقين
ويعطيكم العافيه أخ ديزاين

[design]

أخت دبلوماسية .. شووفي الصور اللي بالمرفقات انتي والاخت بنت الصديق وان شاءالله راح تعرفون شلون نضيفها بالصوور بطريقة اكثر تفصيل ..

[غرور]

اخ ديزاين اليوم أردت عمل تصميم لاعلان

ولكن كلما اردت اضافة لون للخلفية

تظهر لي علامة ممنوع التغيير >> علامة دائرة

كيف يمكن تخطيها؟

وجزاك الله خير

[design]

فوق لير الباجراوند ضيفي لير جديد بحيث يكون هو الخلفيه مايصير تضيفين خلفية على لير ثاني يمكن يكون حق شي انتي مسويته ..

او تضغطيين على اخر لير الباجراوند مرتين يطلع مره موافق يصير انج تغييريين فيها ..

وعادي اذا ضروري هالاعلان جان عرضتي علينا عمله

[غرور]

جزاك الله خير ..

الحمدلله قام بعمل الإعلان احد المصممين

بارك الله فيك على جهودك

[design]

ترانا بالشوفة .. حيااكم الله ^_^

[عـزوز راعـيهـا]

السلام عليكم
مشكوووووووووور اخوي ديزاين ع الدروس اللي اكثر من رووووووووعة
واذا الدروس الى الحين شغالة تسمح انظم لكم؟؟؟
بس ترى بعور راسك من الاسئلة لاني ما اعر ف شي
يللا بروح اجيب فوتيشوب وراد
برب

[design]

هات معاك 2 مشكل ..

حيااك الله اخووي وهي ترى مفتووحة للجميع

ماعليكم الا انكم تطبقون وبس وصدقني هي مشروحة بطريقة سهله اذا صار خطا اعرف انك مامشيت على الخطوات بالضبط ..

[dr.nafsia]

ممكن سؤال اخوي دزاين...؟؟

بالنسبة للفرش...عندي فرشتين بركبهم عندي بالجهاز....

بس بطريقة ما ينمسحون من الجهاز مع الفورمات....

هم عندي ملف مضغوط ....سويت كل شي باقي النسخ واللصق ... ما عرفت شلون...؟؟

[dr.nafsia]

محد رد علي ........ليش؟؟!!

[design]

المعذره والله ماشفته

..

الشق الاول من السؤال مفهوم .. اكيد كل شي ينمسح مع الفورمات
بس اذا تبين الملفات القديمه تحظفينها بالدي او الاي .. والسي هو اللي يصير عليه الفورمات .. وبعد الفورمات تنزلين الفوتوشوب وتحملين الفرش وباقي بالملفات ..


اما الملف المضغوط اكيد نسويله اكسترا عشاان نطلع الملف منه ونستخدمه بس شنو هالملف وشنو معنى السؤال مافهمته

[dr.nafsia]

ما فهمت شي ...!!

خلاص اذا ينمسحون مع الفورمات مو مشكلة....

بس انا للحين ما نزلتهم ماعرفت....

يعني هالمصمم منزلهم لنا ملف مضغوط ودخلت عالسي وسويت كل شي بس ابي انزلهم الحين شلون اسويلهم قص لصق...!! اهو كاتب سوو قص لصق للفرش ما صار

[design]

اهااا

فهمت في شرح حطيته يمكن لفك الملف المضغوط ..

شووفي

نستعمل الملف المضغوط لاسباب
1 - سهولة تعامله مع مراكز التحميل
2- لتقليل حجم الملف حتى نستطيع رفعه
3- لدمج الملفات مع بعضها في ملف واحد سهل التحميل ..


الحين في فرشه او خلنا نقوول ملف مضغوط

في كذا طريقة اكسترا واقوم بالتأشير الى المكان اللي راح انزل فيه الفرشه اللي كانت داخل الملف المضغوط


او الطريقه السهله افتح الملف المضغوط واسحب الفرشه من داخله بالماوس واخليها على سطح المكتب .. وبس بجذي طلعت الفرشة من الملف المضغوط


بالفورمات ليش كل شغلج يرووح قلت لج سوي ملف جديد في القرص الاخر غير السي
انا ملفات من 2002 موجوده عندي بملف وغير الكمبيوتر ونقلتها معاي بسيدي وكله اخليها بالدي ماله شغل بالفورمات علىة السي بس

[design]

وطريقة تحميل الفرش بالفوتوشوب موجوده بالدرس هذا حطيته لكم

[dr.nafsia]

جزااااكم الله خير....

خلاص سويتها....نسختهم بمكانهم مع ربعهم بالسي...

ونسخة ثانية بالدي...


مشكورين...!!

[design]

ترى الدي يشيل انا كل شغلي بالدي اما
السي
عشاان ماثقل على الجهاز يكفيه البرامج ..

وحياكم الله

[dr.nafsia]

اهااا يعني يثقل الجهاز صح...!!

وطريقة تحميل الفرش بالفوتوشوب موجوده بالدرس هذا حطيته لكم
طبقت اول ثلاث دروس ترى من بديتوا بس استصعب علي كم شغلة وكثرت الاسئلة ...للاسف

مشكورين وعساكم عالقوة ....!!

[د.بنت الإسلام]

جزاكم الله خير على الدروس الرائعة ، أنا توني بس خلصت الدرس الأول والثاني بس قريته بس شكله سهل ...

متابعي معاكم إن شاء الله

[غرور]

جزاك الله خير اخ ديزاين

وفعلا كما ذكرت يفضل حفظ الملفات على الدي

خصوصا ملفات الصور والتصاميم لأن حجمها كبير

ويمكن زيادة حجم الدي من السي عند الفورمات

[دقـــات قلبـــي]

يعطيك العافيه اخوي

نسخت الدروس عندي وبطبقهم ان شاء الله على الراحه وانا عندي خلفيه خفيفه عن الفوتو
بس مبين الشرح سهل ووواضح

[trnjan]

السلام عليكم ولو أني متأخرة بس حبيت أنزل التطبيق/وبصراحة الخطوط ماعرفت لها لان مافتحت عندي بس بحاول فيهاhttp://talk.fanateq.com/vb/attachment.php?attachmentid=12182&stc=1&d=1185882829
وماتقصر يااستاذنا /الله يسعدك

[design]

مشكوريين ويسعدنا تواجدكم ..

تروجان انت طبقت الدرس بس اسهل مهمه وهي الخط ما طبقتها
شلووون ..

الخط ملف عادي وسهل

شووف هذا الرابط نزل منه اللي تبي من الخطوط

http://soft.vip600.com/fonts.html

راح تنزل الخطوط مضغوطه بملف ( winzip )

طق عليه دبل كلك بالماوس ..

بعدين اضغط I Agree
بعدين تلاقي دخل الملف نوع الخط .. اللي يكون امتداده ttf
بالماوس اسحبه وقطه على سطح المكتب ..

بعدين كلك يمين كوبي

وبعدين رووح على ماي كمبيوتر

وبعدين على القرص

C

وبعدين
على Windows

بعدين على ملف

font

افتحه
وداخل الملف سوي

بيست يعني الصق ..

خلاص انت جذي ضفت الخط وراح تلاقيه موجود بجهازك ..

وتقدر انك تنزلهم بملف خاص فيهم بحيث تسوي لهم كوبي لهم كلهم وتحطه بملف الخطوط بضغطة زر

[trnjan]

مشكوووhttp://talk.fanateq.com/vb/attachment.php?attachmentid=12185&stc=1&d=1185887368ر .. هذي عرفت له كان قصدي كذا تحديد الكلمه وهذا تطبيق ^___^
ترنجان ..

[design]

شي حلوو ممتاز التطبيق

[أندلسية]

السلام عليكم و رحمة الله و بركااااته ..

ليش الدروس وقفت توقعت ارجع و القى الموضوع عامر ..!!

يا ليت لو تتم تكملت الموضوع ..

و انقطاعي ما كان الا لاسباب ضيق الوقت و الالتزامات الكبيرة .. لكن من اليوم لنا رجعه ..

و ياليت صاحب الموضوع الفاضل يكمل معانا .. حيث استفدنا من دروسه و شرحه السهل و الواضح - ما شاء الله -

و بارك الله فيك ..

اختكم

[design]

أفضـــــــــل اني اشرح وفي ناس تتعلم ..

هذا كان قصدي ..

[أندلسية]

خلاص ان شاء الله انا راح اكون موجودة و اتعلم ..

لكن ياليت لو يتم تحديد وقت معين للدروس او الأيام اللي راح تنزل فيها ..

بس عشان نتفرغ للدروس وقت ما تنزل ..

و احنا معاكم الى النهاية ان شاء الله ..

اختكم

[design]

مافي وقت محدد متى ماتدشيين وتلاقين درس طبقييه وبس انا الحين الغيت فوتوشوب سبعه خلاص
راحت والملفات تغيرت حولت على فوتوشوب ثمانية .. نزلووه احسن ..

[أندلسية]

ممكن نعرف الفرق بين فوتوشوب 7 و 8 ؟؟!!

[design]

ماكو نفس الشي بس الملفات او الفرش الحين اغلها مصممه على ال8 ..

فلما نبي نستعملها ماتشتغل على سبعه .. وبس ماكو فرق بس كتعلم عادي نفس الشي اثنيهم

[أندلسية]

لازلنا ننتظر ..!!

[رقية عمر]

يا جماعة الخير انا مش عم بشوف ايشي