المساعد الشخصي الرقمي

مشاهدة النسخة كاملة : ~F ! N g E R.. P a ! n T ~

::مـتـفائـلـة::
August 2nd, 2007, 03:00 AM
~ السلامـ عليكمـ ورحمة الله وبركاته~

اليومـ يبت لكمـ طريقة تقدرون تسلون فيها الأطفال..

وتخلونهمـ يعبرون عن مشاعرهمـ.. بالطريقة اللي تعجبهمـ..

بس هالمرة بأياديهمـ :p

..ولكمـ الطريقة ..

أول شي والأساس لوحة بيضاء .. كبيرة ..

علبة الألوان ..

.وعادي أي ألوان سائلة راح تنفع..تنفذون فيها هالطريقة

..بس انتبهواا ما تكون زيتية .. لأنه ما ينمسح بسرعة

http://www.br2h.com/uploads/73a6389393.jpg (http://www.br2h.com)


http://www.br2h.com/uploads/457d98f526.jpg (http://www.br2h.com)

ويبدووون الياهال يخبصون بأياديهمـ لين ما يقولون بس:p ..

ترى الطريقة سهلة وممتعة للكل.. تقدرون تتسلون وياهمـ انتوا بعد . ,,

http://www.br2h.com/uploads/81adf5383c.jpg (http://www.br2h.com)

http://www.br2h.com/uploads/81d1f74412.jpg (http://www.br2h.com)

http://www.br2h.com/uploads/5917d2e477.jpg (http://www.br2h.com)

و الياهال ممكن يوصخون نفسهمـ.. فحاولوا تلبسونهمـ أي لبس بحيث ما توصخ ملابسهمـ الألوان

http://www.br2h.com/uploads/000a574d75.jpg (http://www.br2h.com)

http://www.br2h.com/uploads/f42671956c.jpg (http://www.br2h.com)

و النتيجة ممكن تفاجأكمـ..وتبهركمـ..

لأن إبداعات الياهال لها معنى ثاني ..:p

وهذي النتيجة اللي طلعت ويانا ..

http://www.br2h.com/uploads/a005c6f086.jpg (http://www.br2h.com)

وهذا أحد الأطفال اللي طلع إبداعاته الصدقية في اللوحة .. ولد أختي ..

http://www.br2h.com/uploads/d45e94624c.jpg (http://www.br2h.com)http://www.br2h.com/uploads/944763bc16.jpg (http://www.br2h.com/)

[/URL]

وهذي اللوحة كنا مسوينها من قبل.. بس كانت ع شكل أرتب شوي =)

[URL="http://www.br2h.com"]http://www.br2h.com/uploads/93c4b5e74f.jpg (http://www.br2h.com)

ترى الشغلة واااااايد ممتعة :D

جربوها ما راح تندمون :)

مع تمنياتي لكمـ بمزيد من المتعة ^_^


أختكمـ المحبة لكمـ : متفائلة ..
jorey
August 2nd, 2007, 03:06 AM
وعليكم السلام ورحمة الله وبركاته

ما شاء الله وش هلابداع

الله يعطيك العافيه ع الموضوع ..

ياوخيتي الصور ماتفتح معاي:)
Bshosha
August 2nd, 2007, 03:09 AM
وناسه

حتى ممتعه لنا احنا الكبار لووول

بجربها بولد اختي

شكرا لج نيمو :)
°ღ عيون المها ღ°
August 2nd, 2007, 03:19 AM
وعليكم السلام ورحمة الله وبركاته

عاد اليهال يحبون هالسوالف :p

ومتفائله ماتقصر معاهم

ياحلاة ابداع هالأيادي الكتاكيت ..فديتهم ياربي

ابداااع :D
ماما شوشو
August 2nd, 2007, 03:47 AM
متعكي الله بالفدردوس الأعلى
دامج امتعتي الأطفال
حلوة الإبتسامة بعين طفل
والأحلى تكونين السبب فيها
::مـتـفائـلـة::
August 2nd, 2007, 03:47 AM
عزيزتي الجوري حملته من موقع ثاني ..

إن شاء الله تظهر لج الصور هالمرة :)

ولــــي عودة قريباً للتعقيب على الردود :)
فنتوقة الربيع
August 2nd, 2007, 03:50 AM
ما شاء الله تبارك الرحمن..
يانااس فديت الأيادي أنا ياقلبو عليهم..:p

شغلات حلو وظريفه..
بارك الله فيكِ يا مشرفتنا..
الله يجزاكِ كل خير..
موفقه..
:)
KaDy
August 2nd, 2007, 09:39 AM
ماشاءالله شي شي ^_^

تسلمييين متفائله يبيــــله نسويها
ღ التواقه ღ
August 2nd, 2007, 12:05 PM
عـاد تصدقيـن مـرتيـن سويـتها بإخوانـي :wink:
يبتـلهم الألـوان اللي فيـها لمعـة مع أوراق بيـض و خليتـهم
يفرشـون ع الأرض و يطبعـون إيدهـم , و ميزتـه إنـه يـروح بسـرعة !!~

صج إنـهم اتلفـوا المكـان و بالأخيـر إلحقـووني عشـان يدمـروونـي
LOOOL تحسـفت إني خليتـهم *-* بس صج طلعـوا الإبداعـات !!~

:

الصـور يزوغـوون و تشوق حيـل ,
يعطيـج العافيـة مفائلـة ع المـوضوع الحلـوو :aq5:

التواقـة
mony
August 2nd, 2007, 12:42 PM
وعليكم السلام وررحمة الله وبركاته

ياسلام عليك يامتفائلة
حركااااات حللللللللللوة

وياحلو الأطفال لمن تخلينهم يطلقون لأنفسهم العنان في مثل هالشغلات
والله يبدعوووووووووون

مشكووووورة عزيزتي

:)
:: YOYA ::
August 2nd, 2007, 02:57 PM
ههههههههههههه000

ضحكتيني والله يا متفائلة 00

فكرة حلوة عشان نشغلهم عننا شوية 00

و ما شاء الله الصورة الاخيرة طلعوا فيها الفن الاصيل :p

وابن أختك ما شاء الله عليه شكله قام بالواجب تمام :p >> ربنا يبارك فيه :)

الفكرة قيد التفكير في تنفيذها :)

مشكوووووووووورة متفائلتنا علي الصور الوناسة >> علي قولتكم :)
بنــــCUTEــــوتة
August 2nd, 2007, 05:34 PM
ما شاء الله...
والله ابداع وحركات..
تسلمين المتفائله..
شكرا لج نيمو

هيه صح شطوره يا بشبش لا تنسين اللقب عاااد..لووول ترى تزعل علينا نيمو .. ^^"
بنت الصديق
August 2nd, 2007, 07:49 PM
متفائله تصدقين آنا مسويه نفس الحركه بس بألوان اقواش ...

بس ما أدري ما حطيتهم بالمنتدى قلت مو شي شكلهم .. بس حسافه ..

والله انج شي ولد اختج ياحلوه سلميلي عليه العنونو ..

وربي يوفقج عرفتي تسعدينهم ..
Bent El-Deera
August 2nd, 2007, 07:58 PM
ههههه حلللوة

عاد شدعوه احنا ما سويناها ..

الله يسلمك بنات شكبرنا قاعدين نلعب بالألوان و نرسم على روول أبيض طويل ..

بس كان وناسة بدعنا آخر شي قمنا نرسم على ويوهنا .. لوووول ..

يعطيكـ العافية ^^
::مـتـفائـلـة::
August 2nd, 2007, 08:23 PM
~Bshosha (http://talk.fanateq.com/vb/member.php?u=14492)~

شكرا لج نيمو :)

العفو .. بشبشيتو ..:p

إيه ممتعة وايد ضروري تجربينه


~°ღ عيون المها ღ° (http://talk.fanateq.com/vb/member.php?u=13758) ~

هلا حبيبتي .. عنوني .. =)

نورتي الموضوع :D



~ماما شوشو (http://talk.fanateq.com/vb/member.php?u=34812) ~
متعكي الله بالفدردوس الأعلى
وإياج يارب ..

والله صدقتي .. شحلات الابتسامة على ويوه اليهالـ..

مشكوورة ع المرور ..



~فنتوقة الربيع (http://talk.fanateq.com/vb/member.php?u=25183) ~

يا حبيبتي يا قلبي انتي:)

وفيج... باركـ الله ..

ونسني حضووورج ..
::مـتـفائـلـة::
August 2nd, 2007, 08:35 PM
~KaDy~

الله يسلمج فديتج :)

حياج الباري..


~ღ التواقه ღ~

صج إنـهم اتلفـوا المكـان و بالأخيـر إلحقـووني عشـان يدمـروونـي
LOOOL تحسـفت إني خليتـهم *-* بس صج طلعـوا الإبداعـات !!~

لوووول :p عجييبين والله

الله يعافيج حبيبتي ..

نورتي ..





~ mony~


وياحلو الأطفال لمن تخلينهم يطلقون لأنفسهم العنان في مثل هالشغلات
والله يبدعوووووووووون

إيه والله .. كشخة لما يبدعووون :)

العفو عزيزتي موني .. والله استانست لما شفت اسمج ..

حياج الله :)
jorey
August 2nd, 2007, 08:40 PM
اللللللللللله يجزاك كل خير

لا تواخذيني تعبتك معاي

ما شاء الله ابداع

الله يوفقك وسعتي صدورهم وصدورنا :)
::مـتـفائـلـة::
August 2nd, 2007, 08:56 PM
~youyou~

وابن أختك ما شاء الله عليه شكله قام بالواجب تمام :p >> ربنا يبارك فيه :)

والله صادقة.. قعد يلعب لين ما قال بس :p

بس آخر شي وصخنا.. بس أهمـ شي وناستهمـ..

العفو جبيبتي يويو .. حياج الله .. أسعدني حضورج .. :)



~بنــــCUTEــــوتة~

الله يسلمج حبيبتي ..^_^

والعفو.. بنوووتة ..

شكراً لج ع المرور .. الرائع .


~بنت الصديق~
حسافة والله جن زين صورتيه ..

والله انج شي ولد اختج ياحلوه سلميلي عليه العنونو ..

وربي يوفقج عرفتي تسعدينهم ..

إن شاء الله يبلغ :p

ويوفقج يارب .. مشكوورة حبوبة ع المرور الكريمـ..



~Bent El-Deera~

D: وناسة والله

اهم شي الإبداع اللي ع الويوه :p

الله يعافيج يارب..



~jorey~

والله يجازيج يارب بخير يماثله

لا والله .. تعبج راحة .. ^_^

ونورتي ....
عـــهـــد ..
August 3rd, 2007, 02:13 AM
واااااااو .. ما شاء الله يشوق ..
الذواقة
August 3rd, 2007, 04:44 PM
حلوة الفكرة

بحاول أجربها

أشكرك عالموضوع

ت

ح

ي

ت

ي

للجمييع
ChoCoLaTe MaNia
August 5th, 2007, 12:56 PM
لووول...بآخر يوم مدرسة يبت الfinger paint و خليت صفنا يطبعون على لوحة فلين..و علقناها بالمدرسة...!!!!
كاانت وااايد حلوة..!!و كل وحدة وقعت تحت طبعة يدها..!!!!!
حدة وناااسة..و آخر شيء صار color fight باللي بقى من الالوان..!!!!
لووول......و الله ولت أيام الثانوي....!!!!!ذكريات..!!!

بس من زمان انا و بنات خالتي نسوي جذي بالشاليه..!!!!!!!
لازم تجربون شعور الالوان الباردة على ايدكم...!!!!!!رووووعة..!!!!

شكرا على الموضوع..!!!
ضيــــاء
August 6th, 2007, 09:48 AM
وعليكم السلام وررحمة الله وبركاته


شكله وناآآسه ... ويشغل الأطفال :p

اختي الصور ما تطلع =)
::مـتـفائـلـة::
August 14th, 2007, 03:20 PM
حياكمـ الله جميعاً..

أسعدني تواجدكمـ المميز :):)
تـرانيــم الإخــاء
August 16th, 2007, 04:28 PM
واااو حده ودي اسوي جذي بس المشكله محد يشجع :(

شكل الصور وناسه بس مو طالعه عندي ...

شكرا" :)