صور من الزلفي

[bosaif]

بسم الله الرحمن الرحيم


كنت امسافر الزلفي " مدينة تابعة لبريده "

فجكيت جم جكه على الطاير :)


هذي الصوره للأسف ما اطلعت عدل

حاولت أضبطها .. بس كنت توني قاعد من النوم لووووووووول

http://talk.fanateq.com/vb/attachment.php?attachmentid=15838&d=1217261773



وهذي الصورة ل " المعشش " على قولتهم :p

ويطل على خوش منظر للنفود :)


http://talk.fanateq.com/vb/attachment.php?attachmentid=15839&d=1217261773




وهذي الصورة لأحلى عشى تعشيته


شي عجييييب

حمام

http://talk.fanateq.com/vb/attachment.php?attachmentid=15840&d=1217261773




وفي هذي الصورة

وصلنا الحدود .. فقلت الكلمة الحلوة إلي يحبونها الحريم

" تطبييييييييييق "

يعني 400 كيلو نوووم .. وآخر شي يقومون علشان تطبيييق لووووووووول


يقومون متعيزيين

http://talk.fanateq.com/vb/attachment.php?attachmentid=15841&d=1217261773


على فكره

صورتها لأني تذكرت الصورة الشخصية لأختنا بنت الصديق

اتشااابه الصوره هذي :)


وبس :)

[iCoNzZz]

الجو طالع حلووو مشالله
يالله عليكم بالعافية

[bosaif]

كانت أغلب الأوقات فيه غيم :)

الجو زين قبل جم اسبوع


بس الحين زاد الحر ... يقولون علشان يستوي التمر :)

[mony]

حياك الله أخوي بوسيف في السعودية

أتمنى انها كانت زيارة ممتعة :)

حلوة اللقطات
الأولى مصورها بانوراما ؟

يعطيك العافية

^_^

[cнαкИσ0мα™]

كشخه والله

لجو وايد حلو ما شاء الله ^^

يعطيك العافيه : )

[bosaif]

الأولى بانوراما

حصلت برنامج بالجهاز يضبطها تلقائي

بس ما اضبطت وياي :)


وحياكم الله جميعا

[دعاة المعالي]

ماشاء الله ..,
صورة الحمام تخرّع :p
عاافيّة يارب .. :)

--

الله يوّنسكم بالعافية ..
تغيير جو ...

[عبقوووووووور]

الحمدلله على سلامتكم :)

لقطات رائعة .. الجو شكله شييء ماشاء الله ؛)

[bosaif]

ما ذقتوا الحمام

والله عجييييييب

أول شي حطوه بالجدر ... وبعدها شوي


:)


الجو كان حلووو وايد :)

[دعاة المعالي]

أول شي حطوه بالجدر ... وبعدها شوي


ماشاء الله
صرتو شيف مو بعد موضوع الشيف بوسيف .. :)

[bosaif]

على فكرة

الطبخه كانت رجاليه 100%


لم تمسها يد امرأة :D




أنا كنت مبدع جداً .... في الأكل :p

[دعاة المعالي]

ماشاء الله ..
:)

--

الله يهنيكم ..
و يعطيكم الصحة و العافيّة ..

[bosaif]

الله يعافيكم :)

[قصة حلم]

مرة حلوة الصورة الاولى ماشاء الله

عاد الحمام مرة جابوه فبيتنا كان محشي بس ماادري ماحبيت اذوقه شكله يكسر الخاطر.:p....عاد السمان يخرع اكثر :p
بس كل الي ذاقه عجبهم مرة



أنا كنت مبدع جداً .... في الأكل :p



:p

[روح السعادة]

وناااصااااات حمااااااام ههههههههههههههههههههههههههه

ذكرتوني بموقف صارلي صيكو

الصور حلوه

[رواكد]

ماشاء الله حلوه اللقطات ! ^^"
بس بو سيف سؤال ! :p
شجاب الزلفي لبريده .. إلا إذا فيه زلفي ثانيه :seko: ؟!

أتذكر الزلفي و المجمعه و سدير كلهم تبعنا[ الرياض .. ] :D
أما بريده مع القصيم حبيبة القلب ! :D
صح ؟! ..
لأني جد عيوني صارت كذا >> o0
يوم شفت


الزلفي " مدينة تابعة لبريده "


هع !

:D

موفقين إن شاء الله !

[bosaif]

والله دخت أنا مع هالزلفي

ناس يقولون تبع بريده .. وناس يقولون تبع الرياض


شوفوا حل حق منطقتكم :p


أنا عن نفسي بحطه للقصيم .. أقرب .. كلها ساعه :D

[Abdallh]

ما شاء الله خوش صور :)

جان مريت المجمعة على الطريج :)

يعطيك العافية على الصور

[حورية الجنه]

ما أتوقع إني رحت الزلفي من قبل << يمكن مرينه يمها بس محد نبهني إن هذي الزلفي

انا الصراحه مستغربه من شي ليش الريايل مرتبطين إرتباط وثيق بالعيووش :)

أنا أخر شي أشتهيه بحياتي العيوش والمجابيس ،، على قولت أخوي الله يذكره بالخير [[ عيل إنتي مو كويتيه إذا ماتحبين المجابيس ]]

** حتى أخواني شكوو بأصلي الله كريم - آسفه طلعت عن الموضوع

[فنتوقة الربيع]

لوول..
ما شاء اللـهـ.

حلوين ..
:)

[رواكد]

لا والله بو سيف أنا ما تعرف العلاقات الداخليه شلون بين الزلفي و بريده مع تقاربها ! :seko:
لو تلاحظ إختلاف اللهجات و الإهتمامات المحليه .. :D
فيه فرق شاسع .. ^^"

و بريده هي زي العاصمه حقت القصيم .. و منطقة الرياض جواتها الزلفي ..
هذا ماخذينه يوم أنا بخامس أو سادس إبتدائي :D
و أسئلك أي أحد يعني سعودي و شف الإجابه .. :D

الزلفي يقولون شخبارها , و حطيتا و جبتا ..
أما القصمان : شخباره حطيتوه جبتوه :seko: !

فرق فرق شاسع ..
خذها مني وبس بريده عاصمه القصيم ,
و الزلفي تقريباً عاصمة الرياض بعد العاصمة الرياض .. :p

و إن شاء الله يعني أقنعتكم .. :D

[cancel]

الجو يجننننننننننننن


بس احس الحماام مادري شلووون

[ادفرر الراسبين!!]

للتصيحيح اخي بو سيف.....
مدينتي هي الزلفي:

موقعها:
تقع محافظة الزلفي شمال غرب مدينة الرياض على مسافة265كــلم تقريباَ
وتعتبر محافظة الزلفي ضمن منطقة العاصمة الرياض.. وليس بريد ه
وترتفع عن سطح البحر بحوالي 600متر
حدودها:

يحدها من الشمال والغرب منطقة القصيم ،ومن الجنوب محافظة الغاط،ومن الشرق الأرطاويه

الزلفي تتميز بموقع فريد حيث تقع بين جبال طويق ونفو الثويرات وتغطي رمال الثويرات مساحة شاسعة من المحافظة

وكذلك تتميز بوجود المطل الشرقي والغربي الذي تتميز به الزلفي عن جميع المناطق والمحافظات
وتعتبر محافظة الزلفي من المدن الصحيه
ويتبع الزلفي اربع مراكز ادارية وهي(سمنان.علقه.الثوير.المستوي-الروضه- .)
والزلفي من المحافظاات القديمممممه جدا جدا
واتأسف على التدخل في موضوعك...........
الصور رهيبه........
مشكور يعطيك العافيه...............


http://www.azzolfi.com/photos/azz134.jpg

[رواكد]

يا كافي سوينا درس جغرافية المملكة العربية السعوديه ! :p

حصل خير .. عادي كلنا بالسعوديه ما تخطينا الحدود ! :D

عذراً بو سيف سوينا حوسه هينا ! :D

[bosaif]

لالا بالعكس


كسبنا معلومات جديده :)

[لمعـه]

ماشا اءلله ابو سيف وش هالزين ولاتعلمنا ولاشيء
نوديك لاماكن حلوووه
ماشا ءالله ابداع

والمكان اللي انت تصور منه ( ابداع ايضاً )

يروقني المكان المرتفع
دائما اعبد ربي في المسجد اللي حول البيت ^_^

كن بخير

[яεđ şωεεţ]

اووووووخ الصورة الأولى عذاااب


ودي اروح بس محد معطيني وجه :(



الحمدلله ع السلامه :D